Jisas I Hilim wan Blaen Man

Wan hiling we i hapen sloslo

Sam pipol oli karem wan man we i blaen i kam blong Jisas i hilim hem.

Long taon we oli singaotem Betsaeda, ol pipol oli karem wan blaenman i kam long Jisas. Oli wantem Jisas i blesem hem mekem se bae hem i save lukluk bakegen.

Mak 8:22

Jisas i holem han blong man ia mo lidim hem i go aot long taon. Afta Jiasa i putum han blong Hem long man ia mo blesem hem.

Mak 8:23

Man ia i save lukluk nao, be i no save lukluk gud tumas.

Jisas i askem man ia sapos hem i save luk eni samting. Man ia i lukluk i go antap. Hem i se, hem i save lukluk gud smol, be i no klia gud. Hem i talem se ol pipol oli luk olsem ol tri we oli stap wokbaot.

Mak 8:23–24

Jisas i blesem man ia bakegen. Naoia taem hem i lukluk i go antap, evri samting i klia. !Jisas i hilim hem!

Mak 8:25