Wan Enjel I Mekem Pita I Go Fri aot long Kalabus

Wan king we nem blong hem Herod, i no laekem ol Kristin man. Hem i bin kilimded Aposol Jemes. Afta hem i putum Pita long kalabus. Hem i putum 16 solda blong lukaot long kalabus ia.

Ol Wok 12:1–4

Taem ol memba blong Jos oli harem hemia, oli bin prea mo prea long Papa long Heven from Pita.

Ol Wok 12:5

Wan naet, Pita i stap silip. Oli fasem hem long tu jen bitwin tu solda.

Ol Wok 12:6

Hariap nomo, wan laet we i saen insaed long kalabus, mo wan enjel i kamkamaot. Enjel i talem, “Yu hareap, yu girap,” mo ol jen oli foldaon aot long ol han blong Pita. Enjel ia i talem long Pita blong folem hem.

Ol Wok 12:7–8

Pita i ting se hem i stap drim. Hem i folem enjel i go pas bitim ol solda. Aean get we i open i go insaed long siti, i open hemwan, mo Pita mo enjel ia i wokbaot i go tru long hem.

Ol Wok 12:9–10

Enjel ia i aot, mo Pita i kam blong luksave se hem i no stap drim. Hem i bin save Lod i bin sendem enjel ia blong sevem hem.

Ol Wok 12:10–11

Pita i go long haos blong wan woman we nem blong hem Meri, long ples we plante memba blong Jos oli kam blong prea. Hem i noknok long doa.

Ol Wok 12:12–13

Wan gel we nem blong hem Roda i kam long doa. Taem hem i harem voes blong Pita, !hem i hapi tumas! Hem i ron blong go talem long ol narawan.

Ol Wok 12:13–14

Taem Roda i talem long evriwan se Pita i stap long doa, oli no bilivim hem. Pita i gohed blong noknok.

Ol Wok 12:15–16

Long en, oli openem doa mo luk se Roda i talem tru. !Pita i sef! Lod i bin ansarem ol prea blong olgeta. Pita i talem long evriwan olsem wanem Lod i bin karemaot hem long kalabus.

Ol Wok 12:16–17