Matiu 4:1–10
Setan I Temtem Jisas
Wan eksampol blong winim temtesen
Afta we Hem i kasem baptaes, Jisas i go long ples we i no gat man long hem blong stap wetem God. Hem i no bin kaekae blong 40 dei. Hem i stap fas mo stap prea blong rere from misen blong Hem.
Matiu 4:1–2; luk long Josef Smit Translesen long ol not 1b mo 2c
Jisas i hanggri. Setan i kam mo temtem Hem. Hem i talem se sapos Jisas i Pikinini blong God, Hem i save tanem ol ston ia i kam bred. Jisas i no wantem mekem. Jisas i kwotem ol skripja blong talem se Hem i laef from toktok blong God, be i no bred nomo.
Matiu 4:2–4
Taem Tabu Spirit i karem Jisas antap long ol wol blong tempol. Setan i temtem Jisas blong jam i go daon. Hem i talem se sapos Jisas i Pikinini blong God, bae ol enjel oli sevem Hem. Jisas i no jam. Hem i talem long Setan se ol skripja oli talem se yumi no save testem God.
Matiu 4:5–7; luk long Josef Smit Translesen long ol not 5a mo 6a
Nekis wan, Tabu Spirit i karem Jisas i go long top blong wan bigfala hil. Long ples ia Jisas i save luk evri kingdom blong wol ia. Setan i kam mo talem se sapos Jisas i wosipim Hem, bae hem i givim evri kingdom ia long Hem.
Matiu 4:8–10; luk long Josef Smit Translesen 8a
Jisas i talem long Setan se ol skripja oli talem se yumi mas wosipim God nomo. Jisas i talem long Setan blong aot. Jisas i go long Galili blong tijim gospel blong Hem. Hem i fulap wetem paoa blong Tabu Spirit.
Luk 4:13–14