Luk 7:1–10
Jisas I Hilim Wan Wokman blong Senturian
Wan lida blong Rom i soem wan bigfala fet
Wan senturian i stap long Kapenaum, wan taon we plante taem Jisas i stap tij long hem. Hem i wan lida blong wan bigfala grup blong ol soldia.
Luk 7:1–2
Senturian ia i gat wan wokman we i spesel tumas long hem. Wokman ia i bin sik mo kolosap bae i ded.
Luk 7:2
Iven we senturi ia i no wan man Jiu, hem i harem smol abaot Jisas. Hem i bilif se Jisas i gat paoa blong mekem ol bigfala merikel. Hem i sendem sam lida blong Jiu blong oli go mo askem Jisas blong kam hilim wokman blong hem.
Luk 7:3–4
Ol lida ia oli talem long Jisas abaot senturian ia, mo wokman blong hem. Oli talem se senturian ia i kaen long ol man Jiu. Jisas i stat blong wokbaot i go long haos blong senturian ia. Be bifo Jisas i kasem ples ia, sam long ol fren blong senturian oli stopem Jisas. Oli talem long Hem blong no go insaed long haos ia.
Luk 7:4–6
Ol fren oli talem long Jisas se senturian i no filim se i klin inaf blong gat Jisas long haos blong hem Hem i bilif se Jisas i save hilim wokman blong hem longwe nomo!
Luk 7::6–8
Jisas i sapraes long fet blong senturian ia. Jisas i talem se Hem i no bin luk wan kaen fet olsem.
Luk 7:9
Taem ol fren blong senturian man i go bak long haos, wokman ia i hil fulwan. Jisas i hilim hem olsem we senturian ia i bilif se bae i hapen olsem,
Luk 7:10