Matiu 3
Jisas I Bin Kasem Baptaes
Hem i soem wan eksampol blong obei long God
God i singaotem Jon blong i help blong rere long taem we Jisas Kraes bae i kam. Jon i tijim ol pipol blong sakem sin mo kasem baptaes. Ol pipol oli singaotem hem Jon Baptaes.
Matiu 3:1–12
Jon i wan tija we i tij wetem paoa. Plante pipol oli kam blong harem hem mo kasem baptaes. Wan dei Jisas i kam blong kasem baptaes.
Matiu 3:5, 13
Jon i save se oltaem Jisas i stap obei long God. Hem i no nid blong sakem sin. Jon i no ting se bae hem i save baptaesem Jisas. Jon i ting se Jisas nao bae i baptaesem hem.
Matiu 3:14
Jisas i talem se Hem tu i nidim blong kasem baptaes. Hem i wantem blong obei long evri komanmen blong Papa blong Hem. Hem i wantem tu blong soem wan eksampol long yumi. Jon i stap baptaesem Jisas.
Matiu 3:13–15; 2 Nifae 31:5–7
Taem Jisas i kamaot long wota, Tabu Spirit i kam daon long Hem olsem wan pidjin. Wan voes i kamaot long Heven mo Papa long Heven i talem, “Hem ia, Hem i Stret Pikinini blong Mi. Papa long Heven i hapi long Jisas.
Matiu 3:16–17