Fas Toktok
Abaot Niu Testeman
Stori blong Jisas Kraes mo ol man we oli stap folem Hem
Baebol i gat tu pat: OlTesteman mo Niu Testeman. OlTesteman i gat ol raeting blong ol profet blong longtaem bifo. Sam long ol profet i raetem se God i promes blong sendem wan Sevya. Hem bae i Pikinini blong God mo sevem yumi from sin mo ded blong mekem se yumi save laef bekegen wetem God bakegen.
Asaea 53:3–5; Jekob 7:11; Moses 4
Niu Testeman i tokbaot olsem wanem ol promes ia i bin kam tru. Hem i talem abaot taem we Jisas Kraes i bon, Pikinini blong God.
Luk 2:4–7
Niu Testeman i tokbaot tu abaot laef blong Jisas. Hem i kam long ol man Jiu mo tijim yumi olsem wanem yumi save gobak long Papa long Heven wan dei.
Matiu 5:1–2
Jisas i blesem mo givim seves long ol pipol. Jisas i bin mekem plante merikel long olgeta, olsem hilim ol man we oli sik mo mekem ol man we oli ded i laef bakegen.
Matiu 4:23
Jisas i jusum ol twelef man blong folem Hem, blong kam ol Aposol. Hem i givim atoriti long olgeta blong lidim Jos Ia blong Hem.
Luk 9:1–2
From Hem i lavem yumi, Jisas i tekem long Hemwan evri soa blong bodi, harem nogud mo sin. Hem i bin ded from yumi. Afta, tri dei i pas, Hem i bin winim ded mo Hem i laef bakegen long ded! Jisas Kraes i stap laef mo from Hem, yumi save sakem olgeta sin blong yumi mo laef bakegen afta long ded.
Ol man we oli save mo lavem Jisas oli raetem evri samting ia. Ol Aposol oli raetem ol leta blong helpem ol memba blong Jos, blong bildimap fet blong olgeta long Jisas Kraes. Ol samting we oli raetem oli bin sevem i stap blong plante, plante yia. Naoia yu save ridim olgeta long Niu Testeman mo lanem olsem wanem blong folem Jisas Kraes.
Luk 1:1–4