Matiu 25:31-46
"Hemia i Olsem we Yufala i Mekem long Mi Nomo"
Taem yumi stap givim seves long ol narawan, yumi stap givim seves long Jisas
Jisas Kraes i bin talem long ol disaepol blong Hem se afta we bae Hem i gobak long Papa blong Hem long Heven, bae Hem i kambak long wol wetem evri tabu enjel. Long dei ia, ol pipol blong evri nesen bae oli kam tugeta long fored blong Hem-ol pipol we oli folem Hem mo ol pipol we oli no folem Hem.
Matiu 25:31-33
Jisas bae i talem long ol pipol we oli folem Hem se oli save go insaed long Kingdom blong Hem, from taem Hem i hanggri, oli bin fidim Hem. Taem Hem i tosta, oli givim wota long Hem.
Matiu 25–34-35
Oli givim ol klos long Hem mo wan ples blong stap long hem taem Hem i nidim. Taem Hem i sik o i stap long kalabus, oli bin visitim Hem.
Matiu 25:36
Ol pipol bae oli askem Jisas wetaem nao oli bin mekem ol kaen gudfala fasin ia long Hem. Sevya bae i eksplenem se taem yumi mekem ol gudfala fasin long ol narawan, i olsem se yumi stap mekem ol gudfala fasin long Hem.
Matiu 25:37-40
Jisas bae i talem long ol pipol we oli no folem Hem se bae oli no save go insaed long kingdom blong Hem. Taem Hem i hanggri mo tosta, oli no bin givim kakae o wota long Hem.
Matiu 25:41–42
Oli no bin helpem Hem taem Hem i nidim ol klos o wan ples blong stap long hem. Taem Hem i sik o stap long kalabus, oli no bin visitim Hem.
Matiu 25:43
Jisas bae i eksplenem se taem yumi jusum blong no helpem wan we i stap long nid, yumi stap jusum blong no helpem Hem. Taem yumi jusum blong helpem ol narawan, yumi stap jusum blong helpem Jisas.
Matiu 25–45