Ol Wok 1–4
Ol Aposol blong Jisas Oli Lidim Jos blong Hem
Oli stap tijim, baptaesem, hilim, mo serem evri samting
Afta we Jisas i gobak long Papa blong Hem long Heven, Ol Aposol oli kam ol lida blong Jos. Oli bin tijim gospel blong Sevya, oli invaetem ol pipol blong joenem Jos blong Hem, mo oli bin mekem plante merikel wetem paoa blong God. Jisas i bin promes blong helpem olgeta taem Hem i sendem Tabu Spirit.
Ol Wok 1:8–13; 2:41–47
From Juda i bin ded, i gat leven Aposol nomo i stap. Ol Aposol oli prea blong save huia God i wantem blong tekem ples blong Juda mo blong stap olsem wan spesel witnes blong Jisas Kraes. God i jusum wan man we nem blong hem Mathias. Hem i kam wan long Ol Twelef Aposol.
Ol Wok 1:15–26
Long wan spesel holidei blong Ol Man Jiu, ol disaepol oli kam tugeta long Jerusalem. Kwiktaem, i filim olsem wan win i kam long heven mo i fulumap haos. Oli bin luk wan laet olsem faea we i stap antap long olgeta, mo oli fulap long Tabu Spirit. From Tabu Spirit, oli save toktok long ol nara lanwis.
Ol Wok 2:1–4
Taem oli pipol long Jerusalem oli bin harem abaot hemia, oli kam tugeta long ol bigfala grup. Nomata we ol pipol we oli stap long bigfala grup ia, oli blong plante kantri mo oli toktok ol defren lanwis, wanwan long olgeta i bin harem wanem Ol Aposol i bin talem, long mama lanwis blong olgeta. !Ol pipol oli sapraes tumas!
Ol Wok 2:5–13
Pita i stanap mo i toktok long bigfala grup blong ol man. Hem i talem long olgeta abaot Jisas Kraes. Hem i serem testemoni blong hem se Jisas i Sevya mo Hem i bin laef bakegen long ded.
Ol Wok 2:14–36
Taem ol pipol oli bin harem hemia, oli filim se oli nidim blong jenis. Oli askem Ol Aposol se bae oli mekem wanem.
Ol Wok 2:37
Pita i talem, “Yufala i mas tanem tingting blong yufala from ol sin blong yufala, mo yufala evriwan i mas baptaes long nem blong Jisas Kraes, blong bambae God i tekemaot ol sin blong yufala. Nao bambae God i givim Tabu Spirit ya long yufala.” Samples long 3,000 pipol oli bin baptaes mo oli joenem Jos long dei ia.
Ol Wok 2:38–43
Afta, Pita mo Jon i bin go long tempol. Tufala i luk wan man we i no save wokbaot. Hem i sidaon long ples ia evri dei, mo i stap askem mane long ol man.
Ol Wok 3:1–2
Man ia i askem mane long Pita mo Jon. Tufala i stop mo lukluk hem. Pita i talem, “Yu lukluk stret long mitufala.”
Ol Wok 3:3–4
Pita i talem se tufala i nogat silva o gol. Be oli gat wan samting we i gud moa. Hem i talem, “Long nem blong Jisas Kraes, man Nasaret, mi mi talem long yu. !Yu girap, yu wokabaot!” Pita i helpem hem blong stanap. Fas taem long laef blong hem, !man ia i save wokbaot! Hem i hapi tumas mo hem i jiam mo wokbaot i go insaed long tempol wetem Pita mo Jon.
Ol Wok 3:6–8
Ol pipol oli sapraes. Pita i talem long olgeta se hemia i no paoa blong hem o paoa blong Jon we i hilim man ia. Hem i kasem hiling tru long paoa blong Jisas Kraes mo fet blong man ia long Jisas. Pita i talem long ol olgeta blong sakem sin mo biliv long Jisas.
Ol Wok 3:9–26
Sam long ol lida blong Jiu oli no laekem wanem we Pita mo Jon i stap tijim. Oli talem se i nogat wan i gat raet blong tij abaot Jisas.
Ol Wok 4:1–18
Pita mo Jon i talem se bae tufala i obei long God, mo God i wantem tufala blong talem long ol pipol wanem tufala i save abaot Jisas Kraes.
Ol Wok 4:19–20
Ol Aposol oli gohed blong tijim gospel blong Sevya wetem bigfala paoa. Plante plante moa pipol oli joenem Jos blong Hem. Oli bin fulap long Spirit. Oli lavlavem olgeta mo oli serem evri samting. Oli salem wanem we oli gat mo givim mane long Ol Aposol blong givim long olgeta we oli nogat samting.
Ol Wok 4:31–37