Saemon mo Paoa blong God

Wan man we nem blong hem Saemon i bin laef long Sameria. Taem hem i harem gospel blong Jisas Kraes, hem i bilivim. Hem i bin sapraes tu long ol merikel we disaepol blong Jisas i bin mekem wetem paoa blong God. Saemon i bin kasem baptaes, mo plante nara man mo woman long Sameria tu oli kasem baptaes.

Ol Wok 8:5–13

Ol Aposol long Jerusalem oli bin harem ol pipol long Sameria oli stap baptaes. Pita mo Jon i go long Sameria. Oli yusum paoa blong God, we hem i prishud, blong putum han antap long ol pipol we oli kasem baptaes mo givim long olgeta, presen we i Tabu Spirit.

Ol Wok 8:14–17

Taem Saemon i luk Pita mo Jon i mekem hemia, hem i givim mane long tufala mo i talem, “Plis yutufala i givim paoa ya long mi tu.” Hem i wantem blong pem prishud blong God olsem bae hem tu i save givim presen we i Tabu Spirit.

Ol Wok 8:18–19

Pita i eksplenem se nogat wan i save pem paoa blong God. Hem i wan presen we i kam long God. Pita i talem long Saemon se hem i nidim blong jenisim hat blong hem. Hem i invaetem Saemon blong sakem sin mo prea long God blong kasem fogivnes.

Ol Wok 8:20–23

Saemon i sori. Hem i askem long Pita blong prea from hem blong helpem hem blong jenis.

Ol Wok 8:24