Rom 3:21–28; 5:1–11; 6:3–6
Stap Dipen long Jisas Kraes from Fasin blong Sevem Man
Gladhat blong Hem i sevem yumi
Ol pipol blong plante defren ples, oli stap joenem Jos Ia blong Jisas Kraes. Oli singaotem ol memba blong Jos, Ol Sent.
Rom 1:7
Sam long Ol Sent oli bin Ol Jiu we oli stap folem yet loa blong Moses. Ol narawan oli no stap folem. Oli no stap agri se bae oli nidim blong folem loa blong Moses o no.
Rom 2:14–15, 23–29
Pol i save se Ol Sent oli gat ol kaen kwestin ia. Hem i raetem wan leta i go long Ol Sent long Rom. Hem i talem long olgeta se, wan i no save sef sapos hem i stap traem blong folem loa blong Moses nomo. Hem i eksplenem se yumi evriwan yumi mekem sin. Blong yumi sef, evriwan i nidim blong gat fet long Jisas Kraes mo folem Hem.
Rom 3:20–23
Pol i tijim se God i sendem Jisas Kraes blong tekem ol sin blong yumi long Hemwan. From sakrifaes blong Jisas, yumi evriwan i save sakem sin mo kasem fogivnes long ol sin blong yumi.
Rom 3:24–31
Pol i bin tijim se Jisas Kraes i givim presen blong fogivnes mo paoa blong mekem ol gud samting. Presen blong lav ia, oli singaotem se hem i gladhat blong Jisas Kraes, mi hem i fulumap yumi wetem hop mo glad. Pol i talem se taem yumi kasem baptaes, olsem Jisas i bin mekem, hem i olsem se yumi stap statem wan niu laef olsem wan man blong folem Jisas.
Rom 5:1–11; 6:3–6