Ol Wok 6–7
Steven I Testifae abaot Jisas Kraes
Wan wokman we i gat fulap paoa long tingting, i givim laef blong hem from testemoni blong hem
Jos i stap gro kwik. I stap kam moa had blong Ol Aposol blong oli lukaot long evri memba.
Ol Wok 6:1–2
Ol Aposol oli disaed blong singaotem seven man blong helpem olgeta. Oli askem ol memba blong lukaotem ol man we oli waes mo oli fulap long Tabu Spirit.
Ol Wok 6:3
Wan long ol pipol we i oli bin jusum, hem i Steven. Ol Aposol oli givim wan blesing long hem. Steven i bin gat plante fet mo i bin mekem ol bigfala merikel long ol pipol.
Ol Wok 6:5–8
Steven i bin tijim abaot Jisas Kraes wetem waes mo wetem Spirit. Be ol lida blong wan jos, oli no bin laekem wanem we hem i stap tijim. Oli talem se hem i stap toktok agensem Moses mo agensem God. Oli karem Steven i kam long fored blong hae pris mo ol nara lida.
Ol Wok 6:9–15; 7:1
Fes blong Steven i luk olsem fes blong wan enjel. Hem i rimaenem ol lida se God i sendem Moses blong sevem Ol Man Isrel, be oli no bin folem Moses oltaem. Steven i talem se Moses hem i olsem Jisas Kraes. God i sendem Jisas blong sevem ol pipol blong Hem, be ol lida oli no bin folem Hem. Ol lida oli kros long Steven.
Ol Wok 7:20–43, 51–54
Steven i lukluk i go long heven mo i fulap long Tabu Spirit. Hem i luk Jisas Kraes we i stap stanap narasaed long Papa long Heven.
Ol Wok 7:55–56
Taem Steven i talem wanem hem i bin luk long ol lida, oli kros moa long hem. Oli singaot long kros mo oli holemtaet Steven. Oli pulum hem long graon, i go aotsaed long siti.
Ol Wok 7:57
Oli putum ol kot blong olgeta long leg blong wan man we nem blong hem Sol. Oli stonem Steven long ston mo kilimded hem. Sol i agri wetem wanem we oli stap mekem. Steven i prea. Hem i askem Lod blong fogivim ol pipol we oli stap mekem nogud long hem. Hem i askem tu long Lod blong akseptem spirit blong Hem long heven.
Ol Wok 7:59–60; 8:1