ʻE Lava ke Ngaohi ʻe Sīsū ʻa e Ngaahi Meʻa Vaivaí ko ha Mālohinga
Ko e lēsoni ʻa Paula mei ha “tolounuá”
Naʻe hoko ʻa e ʻAposetolo ko Paulá ko ha tamaioʻeiki maʻongoʻonga ʻo Sīsū Kalaisi. Naʻe lahi haʻane ngaahi fakahā peá ne akoʻi e kakaí fekauʻaki mo e Fakamoʻuí. Ka naʻe maʻu foki ʻe Paula ha ngaahi faingataʻa lahi.
ʻI ha tohi ki he kāingalotu ʻo e Siasí, naʻe fakafehoanaki ai ʻe Paula hono ngaahi faingataʻaʻiá ki hono maʻu ha tolounua ʻi hono kilí. Naʻá ne ngaohi ʻa Paula ke ne ongoʻi vaivai ʻaupito.
Naʻe tuʻo tolu ʻa e lotu ʻa Paula mo kole ki he ʻEikí ke toʻo ʻene faingataʻaʻiá. Ka naʻe ʻikai toʻo ia ʻe he ʻEikí.
Ka naʻe folofola ʻa e ʻEikí kia Paula, naʻá Ne maʻu ha mālohi feʻunga ke ngaohi ʻa Paula ke mālohi. Naʻe ʻilo ʻe Paula ʻe lava ke hoko ha faingataʻa ʻi he taimi ʻe niʻihi ko ha meʻa lelei kapau te tau tafoki ki he ʻEikí ʻo kole ha tokoni. ʻI he taimi ʻoku tau ongoʻi vaivai aí, ʻe lava ke ngaohi kitautolu ʻe Sīsū Kalaisi ke tau mālohi, naʻa mo e taimi ʻoku ʻikai mole atu ai hotau ngaahi faingataʻá.