Ko Hono Tāpuakiʻi ʻe Sīsū ʻa e Fānau Īkí
“ʻOku ʻo e kakai peheé ʻa e puleʻanga ʻo e ʻOtuá”
Lolotonga e akonaki ʻa Sīsuú, naʻe ʻomi ʻe ha kakai ʻe niʻihi ʻenau fānau īkí kiate Ia. Naʻa nau loto ke tāpuakiʻi ʻe Sīsū ʻenau fānaú. Naʻe feinga ʻEne kau ākongá ke taʻofi kinautolu.
Naʻe fekau ʻe Sīsū ki Heʻene kau ākongá ke tuku e fānau īkí ke omi kiate Ia. Naʻá Ne folofola ʻo pehē ʻoku ʻo e puleʻanga ʻo e ʻOtuá ʻa e fānau īkí. Naʻá Ne fakamatalaʻi ange kapau ʻoku loto ha taha ke toe nofo mo e ʻOtuá, ʻoku fiemaʻu ke nau hoko ʻo hangē ha kiʻi tamasiʻí.
Hili iá naʻe fua hake ʻe Sīsū ʻa e fānaú ki Hono umá ʻo tāpuakiʻi kinautolu.