He ʻIkai Lava ʻe ha Meʻa ʻo Fakamavaheʻi Kitautolu mei he ʻOfa ʻa Kalaisí
Ko ha talaʻofa ki he ngaahi taimi ʻoku faingataʻa ai ʻa e moʻuí
Ko ha kolo lahi ʻaupito ʻa Loma mo ha kakai tokolahi. Ko e niʻihi ʻo e kakaí ko e kau muimui ʻo Sīsū Kalaisi, ka ko e tokolahi tahá naʻe ʻikai. Naʻe tui ha kakai tokolahi ʻi Loma ki ha ngaahi meʻa naʻe kehe ʻaupito mei he meʻa naʻe akoʻi ʻe Sīsuú. Taimi ʻe niʻihi naʻe anga taʻeʻofa ʻa e kakai ʻi Lomá ki he kāingalotu ʻo e Siasí.
Naʻe fai ʻe he ʻAposetolo ko Paulá ha tohi ki he Kāingalotu ʻi Lomá. Naʻá ne loto ke nau ʻiloʻi, neongo ʻoku faʻa faingataʻa ʻa e moʻuí ʻi he taimi ʻe niʻihi, ka ʻoku ʻi ai ha ngaahi tāpuaki maʻongoʻonga ʻa e ʻOtuá ke foaki maʻanautolu. Kapau te tau ʻofa ki he ʻOtuá, te Ne tokoniʻi ʻa e ngaahi meʻa faingataʻa ʻi heʻetau moʻuí ke iku ki ha meʻa ʻoku lelei.
Naʻe tohi ʻe Paula, he ʻikai lava ʻe ha meʻa ʻo fakamavaheʻi kitautolu mei he ʻofa ʻa Sīsū Kalaisí. Neongo pe ko e hā ʻa e mafatukituki ʻo ʻetau ngaahi faingataʻaʻiá, te Ne lava ʻo tokoni ke tau ikunaʻi kinautolu.