Ko ha Uitou mo ha Kihiʻi Paʻanga ʻe Ua
Ko e akonaki ʻa Sīsū ʻo kau ki he feilaulaú
Naʻe hāʻele ʻa Sīsū ki he temipale ʻi Selusalemá. Lolotonga ʻEne ʻi aí, naʻá Ne mamata ki hono foaki ʻe he kakaí ha paʻanga ki he ngāue ʻo e temipalé. Naʻe foaki ʻe ha kakai tuʻumālie tokolahi ha paʻanga lahi.
Pea naʻe foaki ʻe ha uitou masiva ha kihiʻi paʻanga ʻe ua ʻa ia naʻe ui ko e kōtani ʻe taha. Naʻe ʻikai ke lahi, ka ko e paʻanga kotoa pē ia naʻá ne maʻú.
Naʻe mamata ʻa Sīsū ki he uitoú peá Ne kole ki Heʻene kau ākongá ke nau haʻu ʻo mamata ki he meʻa kuó ne faí.
Naʻe folofola ʻa Sīsū kuo foaki e uitoú ʻo lahi ange ʻi ha toe taha. Naʻe foaki ʻe he kakai tuʻumālié ha paʻanga lahi, ka ko ha konga siʻi pē ia ʻo e meʻa naʻa nau maʻú. Naʻe foaki ʻe he uitoú ha kiʻi paʻanga siʻisiʻi pē, ka naʻá ne foaki ʻa e meʻa kotoa pē naʻá ne maʻú.