Ko Hono Fakamoʻui ʻe Sīsū ha Tangata Kuí
Ko ha fakamoʻui ʻoku hoko ʻi he fakalau ʻa e taimí
ʻI he kolo naʻe ui ko Petesaitá, naʻe ʻomi ʻe he kakaí ha tangata kui kia Sīsū. Naʻa nau loto ke tāpuakiʻi ia ʻe Sīsū ke ne lava ʻo sio.
Naʻe puke ʻe Sīsū ʻa e nima ʻo e tangatá ʻo taki atu ia ki tuʻa mei he koló. Naʻe hili leva ʻe Sīsū Hono nimá ki he tangatá ʻo tāpuakiʻi ia.
Naʻe ʻeke ange ʻe Sīsū ki he tangatá pe ʻoku lava ʻo sio ki ha meʻa. Naʻe sio hake ʻa e tangatá. Naʻá ne pehē ʻoku kiʻi lava pē ʻo sio, ka ʻoku aata pē. Naʻá ne talaange ʻokú ne mamata ki he kakaí ʻoku nau hangē ha ʻuluʻakau ngāngāué.
Naʻe toe tāpuakiʻi ʻe Sīsū ʻa e tangatá. ʻI heʻene hanga hake he taimi ní, ʻoku ʻasi lelei ʻa e meʻa kotoa pē. Kuo fakamoʻui ia ʻe Sīsū!