“Ko Hoʻomou Fai Ia Kiate Aú”

Naʻe fakahā ʻe Sīsū Kalaisi ki Heʻene kau ākongá ko e hili ʻEne toe hāʻele ki Heʻene Tamai Hēvaní, te Ne toe hāʻele mai ki he māmaní mo e kotoa ʻo e kau ʻāngelo māʻoniʻoní. ʻI he ʻaho ko iá, ʻe fakataha kotoa mai e kakai mei he ngaahi puleʻanga kotoa pē ʻi Hono ʻaó—ʻa e kakai naʻa nau muimui ʻiate Iá mo e kakai naʻe ʻikai muimui aí.

Mātiu 25:31–33

ʻE fakahā ʻe Sīsū ki he kakai naʻe muimui kiate Iá te nau lava ʻo hū ki Hono puleʻangá, koeʻuhí ko e taimi naʻá Ne fiekaia aí, naʻa nau fafanga Ia. Ko e taimi naʻe fieinua aí, naʻa nau ʻoange ha inu kiate Ia.

Mātiu 25:34–35

Naʻa nau ʻoange kiate Ia ha vala mo ha feituʻu ke nofo ai ʻi Heʻene fiemaʻu iá. ʻI Heʻene puke ʻi he fale fakapōpulá, naʻa nau ʻaʻahi kiate Ia.

Mātiu 25:36

ʻE fehuʻi ange ʻe he kakaí kia Sīsū pe naʻa nau fai fakakū ha taha ʻo e ngaahi meʻá ni Maʻaná. ʻE fakamatala ʻe he Fakamoʻuí ko e taimi ʻoku tau angaʻofa ai ki he kakai kehé, ʻoku hangē pē ia haʻatau angaʻofa ange kiate Iá.

Mātiu 25:37–40

ʻE folofola ʻa Sīsū ki he kakai naʻe ʻikai ke nau muimui ʻiate Iá he ʻikai ke nau lava ʻo hū ki Hono puleʻangá. ʻI he taimi naʻá Ne fiekaia mo fieinua aí, naʻe ʻikai ke nau foaki ange ha meʻakai pe inu kiate Ia.

Mātiu 25:41–42

Naʻe ʻikai ke nau tokoni kiate Ia ʻi Heʻene fiemaʻu valá pe ha feituʻu ke nofo aí. Ko e taimi naʻá Ne puke pe ʻi he fale fakapōpulá aí, naʻe ʻikai ke nau ʻaʻahi kiate Ia.

Mātiu 25:43

ʻE fakamatalaʻi ʻe Sīsū ko e taimi ʻoku tau fili ai ke ʻoua ʻe tokoni ki ha taha faingataʻaʻiá, ʻoku tau fili ai ke ʻoua ʻe tokoni kiate Ia. ʻI heʻetau fili ke tokoniʻi e niʻihi kehé, ʻoku tau fili ai ke tokoni kia Sīsū.

Mātiu 25:45