Mga Sulat ngadto ni Timoteo

Nagtambag si Pablo sa iyang batan-ong higala

Si Timoteo gitudloan sa iyang inahan ug apohang babaye.

Usa ka batan-ong lalaki si Timoteo nga adunay lig-ong hugot nga pagtuo ni Jesukristo. Ang iyang inahan, si Eunice, ug ang iyang apohang babaye, si Lois, mga babaye usab sa dakong hugot nga pagtuo. Sila mitudlo ni Timoteo gikan sa mga kasulatan, bisan sa dihang siya usa ka batang gamay.

2 Timoteo 1:5; 3:15

Si Pablo ug si Timoteo nagkuyog og lakaw. Nagpandong og panapton si Pablo sa pagpanalipod kanila gikan sa ulan.

Si Timoteo ug si Pablo maayong mga higala. Sila nagkauban sa trabaho ug sa biyahe, nagserbisyo sa Ginoo ug nakigbahin sa Iyang ebanghelyo. Gimahal ni Pablo si Timoteo sama sa usa ka anak nga lalaki.

Mga Taga-Filipos 2:19–22; 1 Timoteo 1:2

Si Pablo nagtudlo ni Timoteo sa pag-adto ngadto sa Efeso sa pagpangulo sa Simbahan didto.

Si Pablo mihangyo ni Timoteo sa pagpangulo sa Simbahan sa Efeso. Si Pablo gikinahanglang moadto sa laing siyudad. Samtang siya didto sa layo, gisulatan niya si Timoteo aron tabangan siya.

1 Timoteo 1:1–3

Nag-obserbar si Timoteo nga ang mga tawo midumili sa ebanghelyo.

Wala madugay, sa dihang si Pablo diha sa bilanggoan sa Roma, misulat siya ni Timoteo og lain nga sulat. Gipasidan-an niya si Timoteo nga malisod ang mga panahon moabot. Ang ubang mga tawo motalikod gikan sa kamatuoran ug higugmaon ang mga butang sa kalibotan labaw kay sa Dios. Itudlo nila ang mga butang nga dili mga tinuod.

2 Timoteo 3:1–7; 4:3–4

Timoteo nagtudlo og usa ka pundok sa mga Santos mahitungod sa ebanghelyo.

Gisultihan ni Pablo si Timoteo sa dili pagkahadlok. Miingon siya, “Kita wala sa Dios hatagig espiritu sa katalaw kondili sa espiritu sa gahom ug sa gugma.” Gisultihan ni Pablo si Timoteo sa pagpadayon sa pagbuhat sa mga butang nga iyang nakat-unan. Ang mga kasulatan mogiya kaniya ngadto ni Jesukristo.

2 Timoteo 1:7–9; 3:14–17

Nahibalo si Pablo nga ang iyang kinabuhi sa dili madugay matapos. Apan wala siya mahadlok nga mamatay. Gisultihan ni Pablo si Timoteo nga bisan tuod og siya nakaagi na og daghang mga hagit sa iyang kinabuhi, iyang gihuptan ang iyang hugot nga pagtuo. Misalig siya nga ang Langitnong Amahan ug si Jesukristo mohatag kaniya og kinabuhing dayon.

2 Timoteo 4:6–8