Ang mga Tawo Gustong Mosilot sa Babaye Nga Nakasala

Usa ka sayo sa buntag, si Jesukristo miadto sa templo sa Jerusalem. Daghang tawo ang nagpundok libot Kaniya sa pagpaminaw Kaniya nga motudlo.

Juan 8:1–2

Samtang nagtudlo si Jesus, pipila ka lider sa mga Judeo nagdala og usa ka babaye ngadto ni Jesus. Nasakpan siya nga nagsupak sa usa sa mga sugo sa Dios. Sigon sa balaod, ang maong babaye kinahanglan nga batoon hangtod nga siya mamatay.

Juan 8:3–5

Ang mga tawo nangutana ni Jesus unsay mahitabo kaniya. Naningkamot sila sa pagbitik ni Jesus. Nasayod sila nga Siya dili gustong masakitan ang babaye. Apan kon moingon si Jesus nga ang babaye dili angay silotan, makaingon sila nga wala siya magtuman sa balaod.

Juan 8:6

Apan si Jesus wala motubag kanila. Mihupo siya sa yuta ug misulat sa yuta. Ang mga tawo nangutana niya og usab unsay angay nilang buhaton.

Juan 8:6–7

Sa kataposan, mibarog si Jesus ug gilibot sa pagtan-aw ang mga lalaki. Miingon siya nga kon duna man kanila ang wala gayod makasala, siya ang unang molabay kaniya og bato.

Juan 8:7

Dayon mitikubo na usab si Jesus ug padayong nagsulat sa yuta. Ang tanang lalaki nasayod nga sila may mga sala usab. Sa tinagsa-tagsa, nanglakaw sila palayo.

Juan 8:8–9

Mitan-aw si Jesus sa palibot ug nakita nga ang babaye na lamang ang nagbarog didto. Iya siyang gipangutana kon asa na ang mga tawo nga gustong mosilot kaniya. Miingon siya Kaniya nga tanan sila namahawa. Si Jesus miingon sa babaye, “Lakaw ug ayaw na pagpakasala.” Gikan nianang higayona, ang babaye mituo kang Jesus.

Juan 8:9–11.