Si Satanas Mitintal ni Jesus

Usa ka sanglitanan sa pagbuntog sa tintasyon

Human sa Iyang bunyag, si Jesus miadto sa kamingawan aron makig-uban sa Dios. Wala Siya mokaon sulod sa 40 ka adlaw. Nagpuasa Siya ug nag-ampo alang sa pag-andam sa Iyang misyon.

Mateo 4:1–2

Si Satanas nga nagtintal ni Jesus nga himoong pan ang bato.

Si Jesus gigutom. Si Satanas miadto ug mitintal Kaniya. Miingon Siya nga kon si Jesus mao ang Anak sa Dios, mahimo Niyang himoong pan ang bato. Dili mohimo si Jesus niini. Gikutlo ni Jesus ang mga kasulatan sa pag-ingon nga nabuhi Siya pinaagi sa pulong sa Dios, dili kay sa pan lamang.

Mateo 4:2–4

Si Satanas nga nagtintal ni Jesus sa pag-ambak gikan sa kinatas-ang bahin sa templo.

Dayon ang Espiritu Santo midala kang Jesus ngadto sa bungbong sa templo. Si Satanas mitintal ni Jesus sa pag-ambak. Miingon siya nga kon si Jesus mao ang Anak sa Dios, ang mga anghel dili motugot nga masakitan Siya. Si Jesus wala moambak. Giingnan niya si Satanas nga ang mga kasulatan nag-ingon nga dili gayod nato sulayan ang Dios.

Mateo 4:5–7

Si Satanas nga nagtintal ni Jesus sa pagsimba kaniya.

Sunod, ang Espiritu Santo midala ni Jesus ngadto sa usa ka habog kaayong bukid. Gikan didto, makita ni Jesus ang tanang gingharian sa kalibotan. Miadto si Satanas ug miingon nga ihatag niya kang Jesus ang tanan niini nga gingharian kon Siya mosimba kaniya.

Mateo 4:8–10

Si Jesus nga nagsulti kang Satanas sa pagbiya.

Giingnan ni Jesus si Satanas nga ang mga kasulatan nag-ingon nga kita mosimba lamang sa Dios. Giingnan ni Jesus si Satanas sa pagbiya. Miadto si Jesus sa Galilea sa pagtudlo sa Iyang ebanghelyo. Napuno Siya sa gahom sa Espiritu Santo.

Lucas 4:13–14