Mga Istorya sa Kasulatan
Ang Sambingay mahitungod sa Napulo ka Dalaga—Nangandam alang sa pag-anhi pag-usab ni Jesus

Mateo 25:1–13

Ang Sambingay mahitungod sa Napulo ka Dalaga

Nangandam alang sa pag-anhi pag-usab ni Jesus

Ang mga disipulo ni Jesus nangutana Kaniya kanus-a Siya moanhi og balik.

Ang mga disipulo ni Jesus nakahibalo nga sa umaabot, human Siya mobalik ngadto sa Iyang Amahan, si Jesus moanhi pag-usab sa yuta. Nangutana sila Kaniya unsaon nila sa pagkahibalo kon kanus-a Siya moanhi pag-usab. Gusto sila nga makapangandam alang Kaniya. Sa pagtubag kanila, si Jesus misulti og usa ka sambingay.

Mateo 24:3

Napulo ka babaye moadto sa usa ka kasal.

Sa sambingay, napulo ka babaye moadto sa usa ka kasal. Gabii ang kasal, mao nga ang mga babaye kinahanglan nga magdala og mga suga nga puno sa lana aron mahayagan ang ilang agianan. Lima sa mga babaye maalamon ug nagdala og daghang lana. Ang laing lima mga danghag ug wala magdala og igong lana.

Mateo 25:1–4

Ang mga babaye nakatulog samtang naghulat sa pamanhonon.

Ang mga babaye kinahanglan nga maghulat sa pamanhonon ug sa salo-salo sa iyang kasal nga mahitabo. Apan ang pamanhonon dugay nga naabot. Samtang naghulat sila, nakatulog silang tanan.

Mateo 25:5

Adunay miingon nga naabot na ang pamanhonon.

Sa tungang gabii, adunay misinggit nga ang pamanhonon sa kataposan naabot na! Oras na kadto alang sa mga babaye nga moapil kaniya sa salo-salo sa kasal.

Mateo 25:6

Ang lima ka babaye nakapasiga sa ilang mga suga. Ang laing lima ka babaye wala nay lana.

Ang tanang babaye mipataas sa ilang mga suga aron mahayagan ang ilang agianan. Apan ang lima ka babaye nga wala magdala og igong lana walay bisan unsa nga kahayag. Ang ilang lana nahurot na samtang sila naghulat sa pamanhonon.

Mateo 25:7–8

Ang mga babaye nga walay lana milakaw aron mamalit og lana.

Ang lima ka babaye nga walay lana nangayo sa uban nga mohatag sa ilang lana. Apan walay igo nga lana nga ikahatag. Ang lima ka babaye nga walay lana daling milakaw aron mamalit.

Mateo 25:8–9

Ang pamanhonon naabot ug nakigsulti ngadto sa lima ka babaye nga andam.

Samtang sila wala sila diha, ang pamanhonon miabot. Ang lima ka babaye nga andam miuban kaniya ngadto sa kasal.

Mateo 25:10

Ang mga babaye nga namalit og lana dili makaadto sa kasal.

Sa dihang ang ubang mga babaye mibalik, ang pultahan sirado na. Nanuktok sila sa pultahan ug mihangyo sa pamanhonon nga pasudlon sila. Apan ulahi na kaayo. Dili sila makatambong sa kasal.

Mateo 25:11–12

Nagtudlo si Jesus sa Iyang mga sumusunod nga mag-andam sa Iyang pagbalik.

Si Jesus sama sa pamanhonon sa sambingay. Walay usa ang nakahibalo kanus-a Siya moanhi pag-usab. Ang Langitnong Amahan lamang ang nakahibalo niana. Mao nga gisultihan ni Jesus ang Iyang mga sumusunod nga mag-andam sama sa lima ka babaye nga adunay igong lana. Ang mga tawo nga mosunod sa mga sugo sa Ginoo ug mosunod sa Espiritu makaandam kon si Jesukristo moanhi pag-usab.

Mateo 24:36; 25:13; Doktrina ug mga Pakigsaad 45:56–57