Nagtandi si Pablo sa Atong mga Lawas ngadto sa Templo

Ang Corinto usa ka dakong siyudad nga daplin sa dagat. Ang siyudad adunay daghang mga tawo kinsa wala magsimba sa Dios. Gitudloan ni Pablo ang mga tawo sa Corinto mahitungod ni Jesus. Daghang mga tawo ang mituo ug gibunyagan.

Mga Buhat 18:8–11

Human mibiya si Pablo, nadungog niya nga ang mga miyembro sa Simbahan dihay pipila ka mga problema. Daghang mga tawo sa Corinto wala magsunod sa mga sugo sa Dios mahitungod unsaon pagtagad o paggamit ang atong mga lawas.

1 Mga Taga-Corinto 6:13–18

Misulat si Pablo kanila og usa ka sulat. Miingon siya nga ang atong mga lawas sama sa templo sa Dios. Atong gitagad ang templo uban sa pagtahod tungod kay kini balay sa Dios. Kinahanglan usab nga kita motagad sa atong mga lawas uban sa pagtahod tungod kay kini sila usa ka gasa gikan sa Dios.

1 Mga Taga-Corinto 6:19–20

Ang Langitnong Amahan gusto kanato nga mopili sa pagbuhat og maayong mga butang sa atong lawas. Kon kita mobuhat, makabaton kita sa Espiritu Santo uban kanato.

1 Mga Taga-Corinto 6:19

Miingon si Pablo nga si Jesus mibayad og presyo alang kanato pinaagi sa Iyang pag-antos. Nagpakita kita sa atong gugma alang ni Jesus pinaagi sa paghimo og maayo nga mga pagpili mahitungod sa atong mga lawas ug sa pagsunod sa Iyang mga sugo. Nagpakita kita sa Dios nga kita mapasalamaton alang sa talagsaon nga gasa sa atong mga lawas pinaagi sa pagtagad niini sama sa usa ka templo.

1 Mga Taga-Corinto 6:20