Gidakop si Jesus

Pagkahuman sa pag-ampo ug pag-antos ni Jesus sa Getsemani, miabot si Judas uban sa dakong grupo sa mga guwardiya nga Judeo. Si Judas usa sa mga Apostoles. Nakahibalo siya nga si Jesus kanunay nga moadto niini nga tanaman. Ang mga lider sa Judeo mibayad ni Judas sa pagtabang nila sa pagpangita ni Jesus aron ila Siyang dakpon.

Juan 18:2–3

Samtang ang mga guwardiya misulay sa pagdakop ni Jesus, gihulbot ni Pedro ang espada. Giputol niya ang dalunggan sa sulugoon sa pangulong mga pari.

Juan 18–10

Gisultihan ni Jesus si Pedro nga isakob ang iyang espada. Miingon si Jesus nga kinahanglan nga Iyang buhaton unsa ang gusto sa Iyang Amahan.

Juan 18:11

Gihikap ni Jesus ang dalunggan sa sulugoon ug miayo niini.

Lucas 22:51

Gidala si Jesus sa mga guwardiya ngadto sa balay sa pangulong pari. Ang ubang mga lider sa Judeo didto usab. Gusto sila nga makakita og rason nga mapahamtangan si Jesus sa kamatayon. Nagdala sila og mga tawo aron sa pagsulti og mga bakak mahitungod Kaniya.

Marcos 14:53–61

Sa kataposan, ang pangulong pari nangutana ni Jesus kon Siya mao ba ang Anak sa Dios. Si Jesus miingon, “Ako.”

Marcos 14:61–62

Kini nakapasuko sa pangulong pari ug sa ubang mga lider . Misumbag sila ni Jesus, miluwa Kaniya, ug mibugalbugal Kaniya. Nagkasabot sila nga Siya kinahanglan nga patyon.

Marcos 14:63–65

Samtang si Jesus didto sa balay sa pangulong pari, naghulat si Pedro sa gawas. Naglingkod siya tupad sa kalayo aron mainitan. Tulo ka higayon, ang mga tawo miingon nga nakaila sila ni Pedro nga usa sa mga disipulo ni Jesus. Apan sa matag higayon, miingon si Pedro nga wala siya makaila ni Jesus.

Marcos 14:54, 66–71

Dayon mituktugaok ang manok, ug si Pedro nahinumdom unsa ang gisulti ni Jesus: nga si Pedro molimod Kaniya katulo ka higayon. Mipalayo si Pedro nga naghilak.

Marcos 14:72

Ang mga lider nga Judeo midala ni Jesus ngadto ni Pilato, ang Romano nga gobernador. Ang pundok sa mga tawo miadto usab. Ang mga lider gusto nga si Pilato mopahamtang og kamatayon ni Jesus. Ilang gisultihan si Pilato nga si Jesus mitawag sa Iyang Kaugalingon nga ang hari sa mga Judeo.

Marcos 15:1–3; Lucas 23:2; Juan 18:28–31

Nangutana si Pilato ni Jesus kon Siya mao ba ang hari sa mga Judeo. Miingon si Jesus: “Ang akong gingharian dili iya niining kalibotana.” Mipasabot Siya nga Siya mianhi sa kaibotan aron sa pagtudlo sa mga tawo sa kamatuoran.

Juan 18:33–37

Miingon si Pilato nga wala siya mituo nga si Jesus nakabuhat og bisan unsa nga sayop. Apan daghan sa mga tawo misingit, “Ilansang siya sa krus.” Nakahukom si Pilato sa pagbuhat unsay ilang gusto ug mipapatay ni Jesus.

Marcos 15:12–14; Lucas 23:14–24