Ang Sambingay mahitungod sa Tulo ka Sulugoon—Maghimo sa labing maayo sa unsay gihatag sa Dios kanato

Mateo 25:14–30

Ang Sambingay mahitungod sa Tulo ka Sulugoon

Maghimo sa labing maayo sa unsay gihatag sa Dios kanato

Naghisgot si Jesus sa sambingay mahitungod sa usa ka tawo ug sa iyang mga sulugoon.

Sa pagtudlo mahitungod sa gingharian sa Dios, si Jesus miistorya og usa ka sambingay. Diha sa sambingay, ang usa ka tawo nag-andam sa pagbiyahe ngadto sa layo nga nasod. Sa wala pa mobiya, nakigkita siya sa iyang tulo ka sulugoon ug misugo nila sa pag-atiman sa iyang kwarta samtang wala siya.

Mateo 25:14

Ang tawo mihatag og puntil nga salapi sa kada usa sa iyang mga sulugoon.

Ang tawo mihatag sa kada usa sa iyang mga sulugoon og dako nga kantidad sa kwarta nga gitawag og puntil nga salapi. Mihatag siya sa usa ka sulugoon og lima ka puntil nga salapi. Mihatag siya sa laing sulugoon og duha ka puntil nga salapi. Ug mihatag siya sa kataposan nga sulugoon og usa ka puntil nga salapi. Dayon mibiyahe siya.

Mateo 25:15

Ang usa ka sulugoon nakaganansiya og lima ka puntil nga salapi.

Ang sulugoon nga nakadawat og lima ka puntil nga salapi naningkamot pag-ayo. Gigamit niya ang mga puntil nga salapi aron makaganansiya og lima pa.

Mateo 25:16

Ang usa ka sulugoon nakaganansiya og duha pa ka puntil nga salapi.

Ang sulugoon nga nakadawat og duha ka puntil nga salapi naningkamot pag-ayo. Gigamit niya ang mga puntil nga salapi aron makaganansiya pa og duha.

Mateo 25:17

Ang usa ka sulugoon milubong sa iyang puntil nga salapi.

Ang sulugoon nga nakadawat og usa ka puntil nga salapi mikalot og lungag ug milubong sa puntil nga salapi diha sa yuta.

Mateo 25:18

Paglabay sa pipila ka panahon, ang tawo miuli gikan sa iyang biyahe. Gusto siya nga makahibalo unsa ang gibuhat sa mga sulugoon sa mga puntil nga salapi nga iyang gihatag kanila.

Mateo 25:19

Ang tawo nalipay sa unang duha ka sulugoon.

Ang sulugoon nga nakadawat og lima ka puntil nga salapi ug ang sulugoon nga nakadawat og duha ka puntil nga salapi misulti sa ilang agalon kon giunsa nila pagkaganansiya og doble samtang wala siya. Ang agalon nalipay. Miingon siya nga tungod kay matinud-anon kaayo sila, isalig niya kanila ang daghan pa aron atimanon. Gisultihan niya sila nga magmalipayon.

Mateo 25:20–23

Ang ikatulo nga sulugoon miingon nga iyang gitago ang iyang puntil nga salapi.

Ang sulugoon nga nakadawat og usa ka puntil nga salapi misulti sa iyang agalon nga siya nahadlok, maong iyang gitago ang iyang puntil nga salapi diha sa yuta. Gihatag niya og balik ang puntil nga salapi ngadto sa iyang agalon.

Mateo 25:24–25

Ang tawo wala malipay niini nga sulugoon.

Ang agalon wala malipay niini nga sulugoon. Miingon siya nga gigamit unta sa sulugoon unsay iyang gihatag aron makaganansiya pa og dugang nga mga puntil nga salapi. Ang agalon mihatag sa puntil nga salapi ngadto sa sulugoon nga adunay napulo ka puntil nga salapi. Ang agalon gusto nga ang iyang mga sulugoon mogamit sa mga puntil nga salapi nga iyang gihatag kanila aron sa pagtabang sa pagtukod sa iyang gingharian.

Mateo 25:26–29