Giayo ni Jesus ang usa ka Sulugoon sa Opisyal—Usa ka Romano nga lider nagpakita og hugot nga pagtuo

Lucas 7:1–10

Giayo ni Jesus ang usa ka Sulugoon sa Opisyal

Usa ka Romano nga lider nagpakita og hugot nga pagtuo

Usa ka opisyal kauban sa iyang mga sundalo.

Usa ka opisyal nagpuyo sa Capernaum, usa ka lungsod diin si Jesus kanunay nga nagtudlo. Lider siya sa usa ka dakong pundok sa mga sundalo.

Lucas 7:1–2

Ang sulugoon sa opisyal grabe ang sakit.

Kini nga opisyal dunay sulugoon nga espesyal kaayo kaniya. Ang sulugoon nasakit ug hapit nang mamatay.

Lucas 7:2

Ang opisyal mihangyo og pipila ka lider sa Judeo sa pagpangita ni Jesus.

Bisan og ang opisyal dili usa ka Judeo, nakadungog siya bahin ni Jesus. Mituo siya nga si Jesus dunay gahom sa paghimo og talagsaong mga milagro. Gipadala niya ang pipila ka lider sa mga Judeo aron hangyoon si Jesus nga moadto ug moayo sa iyang sulugoon.

Lucas 7:3–4

Ang pipila ka tawo miingon kang Jesus sa dili pag-adto sa balay sa opisyal.

Ang mga lider misulti kang Jesus mahitungod sa opisyal ug sa iyang sulugoon. Miingon sila nga ang opisyal mabination sa mga Judeo. Si Jesus nagsugod sa paglakaw padulong sa balay sa opisyal. Apan sa wala pa siya moabot didto, ang pipila ka higala sa opisyal mipahunong ni Jesus. Gisultihan nila Siya sa dili pag-adto sa balay.

Lucas 7:4–6

Ang mga tawo miingon kang Jesus nga ang opisyal wala mobati nga takos.

Ang mga higala miingon nga ang opisyal wala mobati nga takos nga moadto si Jesus sa iyang balay. Mituo siya nga si Jesus makaayo sa iyang sulugoon bisan anaa sa layo kaayo!

Lucas 7:6–8

Miingon si Jesus nga ang opisyal adunay talagsaong pagtuo.

Natingala si Jesus sa pagtuo sa opisyal. Miingon siya nga wala pa Siya makakita og ingon kahugot nga pagtuo.

Lucas 7:9

Dihang ang mga higala sa opisyal namalik na sa iyang balay, ang sulugoon naayo sa hingpit. Si Jesus miayo kaniya, sama sa gituohan sa opisyal nga Siya makahimo.

Lucas 7:10