Nagsalig diha ni Jesukristo alang sa Kaluwasan

Mga tawo gikan sa daghang nagkalainlaing mga lugar nagpasakop sa simbahan ni Jesukristo. Ang mga miyembro sa Simbahan gitawag og mga Santos.

Mga Taga-Roma 1:7

Pipila sa mga Santos mga Judeo kinsa sa gihapon misunod sa balaod ni Moises. Ang uban dili. Sila nagkasinupakay mahitungod kon sila ba gikinahanglan nga mosunod sa balaod ni Moises.

Mga Taga-Roma 2:14–15, 23–29

Nahibalo si Pablo nga ang mga Santos aduna niini nga mga pangutana. Misulat siya ngadto sa mga Santos sa Roma. Gisultihan niya sila nga walay usa nga maluwas pinaagi lamang sa pagpaninguha sa pagsunod sa balaod ni Moises. Tanan kita makasala, siya mipasabot. Aron maluwas, ang tanan nagkinahanglan og hugot nga pagtuo diha ni Jesukristo ug sa pagsunod Kaniya.

Mga Taga-Roma 3:20–23

Gitudlo ni Pablo nga ang Dios mipadala ni Jesukristo sa pagdala sa atong mga sala diha sa Iyang Kaugalingon. Tungod sa sakripisyo ni Jesus, kitang tanan makahinulsol ug mapasaylo sa atong mga sala.

Mga Taga-Roma 3:24–31

Gitudlo ni Pablo nga si Jesukristo naghatag kanato sa gasa sa pagpasaylo ug kalig-on sa pagbuhat og maayong mga butang. Kining mahigugmaong gasa gitawag og ang grasya ni Jesukristo, ug kini nagpuno kanato uban sa paglaom ug hingpit nga kalipay. Miingon si Pablo nga kon kita mabunyagan, ingon nga si Jesus nabunyagan, kini sama og pagsugod og usa ka bag-ong kinabuhi isip usa ka sumusunod ni Jesus.

Mga Taga-Roma 5:1–11; 6:3–6