Esteban Nagpamatuod ni Jesukristo––Usa ka maisogon nga sulugoon naghatag sa iyang kinabuhi alang sa iyang pagpamatuod

Mga Buhat 6–7

Esteban Nagpamatuod ni Jesukristo

Usa ka maisogon nga sulugoon naghatag sa iyang kinabuhi alang sa iyang pagpamatuod

Duha ka Apostoles uban sa mga miyembro sa Simbahan ni Jesus.

Nagtubo ang Simbahan og kusog. Kini nahimong mas malisod alang sa mga Apostoles sa pag-amuma sa tanang miyembro.

Mga Buhat 6:1–2

Usa ka Apostol naghatag ni Esteban og usa ka panalangin sa pagkapari.

Mihukom ang Apostoles sa pagtawag og pito ka lalaki kinsa makatabang. Ilang gihangyo ang mga miyembro sa pagpangita og mga lalaki kinsa mga maalamon ug puno sa Espiritu Santo.

Mga Buhat 6:3

Usa sa mga tawo nga ilang gipili mao si Esteban. Ang Apostoles mihatag kaniya og usa ka panalangin. Si Esteban puno og hugot nga pagtuo ug mihimo og talagsaon nga mga milagro taliwala sa mga tawo.

Mga Buhat 6:5–8

Nakigsulti si Esteban ngadto sa halangdong pari ug sa ubang mga lider.

Mitudlo si Esteban mahitungod ni Jesukristo uban ang kaalam ug uban sa Espiritu. Apan ang mga lider sa sinagoga wala makagusto sa unsay iyang gitudlo. Miingon sila nga siya nagsulti batok ni Moises ug batok sa Dios. Gidala nila si Esteban atubangan sa halangdong pari ug sa ubang mga lider.

Mga Buhat 6:9–15; 7:1

Nagtudlo si Esteban sa mga lider mahitungod ni Jesus.

Ang nawong ni Esteban susama sa nawong sa usa ka anghel. Gipahinumdoman niya ang mga lider nga ang Dios mipadala ni Moises sa pagluwas sa mga Israelita, apan sila dili kanunay nga misunod ni Moises. Miingon si Esteban nga si Moises susama ni Jesukristo. Gipadala sa Dios si Jesus sa pagluwas sa Iyang katawhan, apan ang mga lider wala misunod Kaniya. Ang mga lider nasuko ni Esteban.

Mga Buhat 7:20–43, 51–54

Si Esteban adunay panan-awon sa Langitnong Amahan ug ni Jesukristo.

Napuno sa Espiritu Santo, si Esteban mitan-aw ngadto sa langit. Nakita niya si Jesus nagbarog tupad sa Langitnong Amahan.

Mga Buhat 7:55–56

Sa dihang gisultihan ni Esteban ang mga lider unsay iyang nakita, sila misamot pa og kasuko. Misinggit sila sa kasuko ug gisakmit si Esteban. Dayon ilang giguyod siya pagawas sa siyudad.

Mga Buhat 7:57

Nagtan-aw si Saulo sa kamatayon ni Esteban.

Ilang gipahiluna ang ilang mga sapot diha sa tiilan sa usa ka lalaki nga ginganlan og Saulo. Dayon ilang gilabay og mga bato si Esteban sa pagpatay kaniya. Miuyon si Saulo sa unsay ilang gibuhat. Nag-ampo si Esteban. Mihangyo siya sa Ginoo sa pagpasaylo sa mga tawo kinsa nagpasakit Kaniya. Mihangyo usab siya sa Ginoo sa pagdawat sa iyang espiritu ngadto sa langit.

Mga Buhat 7:59–60; 8:1