Naglakaw Ibabaw sa Tubig

Ang pagtuo mobuntog sa kahadlok

Si Jesus nga nagtan-aw sa sakayan sa Dagat sa Galilea.

Si Jesus gustong mag-inusara sa pipila ka panahon aron mag-ampo. Iyang gipadala ang Iyang mga disipulo sakay sa sakayan ngadto sa pikas habig sa Dagat sa Galilea. Si Jesus miadto sa bungtod aron mag-ampo.

Mateo 14:22–23

Nianang gabhiona, kusog ang hangin, ug dagko ang mga balod. Ang mga disipulo ni Jesus naningkamot sa tibuok gabii nga makaabot ang sakayan ngadto sa pikas nga bahin baybay sa dagat.

Mateo 14:24–25

Ang mga Apostol nakakita ni Jesus nga naglakaw ibabaw sa tubig padulong kanila.

Dihang hapit na moabot ang kabuntagon, ang mga disipulo nakakita og tawo nga naglakaw ibabaw sa tubig padulong kanila. Nagtuo sila nga multo kadto, ug nangahadlok sila. Dili kadto multo; si Jesus kadto! Iya silang gitawag, “Ayaw kamo kahadlok; Ako kini.”

Mateo 14:25–27

Si Jesus midapit ni Pedro sa pagduol Kaniya ibabaw sa tubig.

Gihangyo ni Pedro si Jesus sa pagdapit kaniya nga molakaw padulong Kaniya ibabaw sa tubig. Miingon si Jesus, “Dali ngari!” Mikawas si Pedro sa sakayan ug misugod sa paglakaw ibabaw sa tubig, sama ni Jesus!

Mateo 14:28–29

Si Pedro nga nahadlok ug nagsugod sa pag-unlod.

Apan dihang nakita ni Pedro ang kusog nga hangin ug dagkong balod, nahadlok siya. Nagsugod siya sa pag-unlod sa tubig. Gitawag niya si Jesus, “Ginoo, luwasa ako.”

Mateo 14:30

Gikuptan ni Jesus si Pedro ug gibira. Iyang gipangutana si Pedro kon nganong nagduhaduha siya imbis nga mas mosalig Kaniya.

Mateo 14:31

Dihang si Jesus ug si Pedro namalik ngadto sa sakayan, ang hangin mihunong. Natingala ang mga disipulo sa unsay nahitabo. Nasayod sila nga si Jesus tinuod gayod nga Anak sa Dios, ug sila miyukbo kaniya.

Mateo 14:32–33