Nagtandi si Pablo sa Simbahan ngadto sa Lawas ni Kristo––Nagtudlo mahitungod sa espirituhanong mga gasa, panaghiusa, ug gugmang putli

1 Mga Taga-Corinto 12–13

Nagtandi si Pablo sa Simbahan ngadto sa Lawas ni Kristo

Nagtudlo mahitungod sa espirituhanong mga gasa, panaghiusa, ug gugmang putli

Si Pablo nagsulat og usa ka sulat, uban sa mga tawo sa Corinto nga anaa sa luyo.

Ang Corinto usa ka dako, nagkapuliki nga siyudad. Daghan sa mga miyembro sa Simbahan ni Jesukristo mipuyo didto. Apan sila tanan gikan sa nagkalainlaing mga dapit ug lahi kaayo gikan sa usag usa. Gusto ni Pablo nga tabangan sila nga mahiusa ug makita ang maayo diha sa usag usa. Busa siya misulat kanila og usa ka sulat.

1 Mga Taga-Corinto 1:11–13

Ang mga tawo sa Corinto uban sa nagkalainlaing mga gasa gikan sa Dios.

Sa iyang sulat, gisultihan ni Pablo ang mga Santos nga sila tanan adunay espesyal nga mga gasa gikan sa Dios. Ang pipila sa mga tawo adunay gasa sa hugot nga pagtuo. Ang uban adunay gasa sa pagbuhat og mga milagro. Ang pipila mga maalamon, ug ang pipila makaayo sa uban. Ang pipila ka mga tawo makasulti og ubang mga pinulongan. Ang tanang mga Santos adunay nagkalainlaing mga gasa, apan kini tanan gikan sa Dios.

1 Mga Taga-Corinto 12:3–11, 29–30

Gitudlo ni Pablo nga bisan tuod ang mga Santos lahi gikan sa usag usa, ang ilang hugot nga pagtuo diha ni Jesus nagdala kanila nga magkauban. Sa dihang sila mihukom sa pagsunod sa mga pagtulun-an ni Jesus, magpabunyag, ug magpasakop sa Iyang Simbahan, nahimo silang usa ka grupo, nahiusa diha ni Jesukristo.

1 Mga Taga-Corinto 12:27

Duha ka tawo nakigbahin og pan; duha ka tawo nagkuyog sa pagpanlakaw; usa ka inahan ug iyang mga anak.

Miingon si Pablo nga ang Simbahan sama sa usa ka lawas, may ulo, mga bukton, ug mga tiil. Matag bahin sa lawas naghimo og lainlaing mga butang. Ang dunggan dili mobati og ka lain tungod kini lahi gikan sa mata. Ug ang ulo dili makasulti ngadto sa tiil, “Wala akoy panginahanglan kanimo.” Ang matag bahin importante, ug sila tanan nag-uban sa pagtrabaho.

1 Mga Taga-Corinto 12:12–14

Gitawag ni Pablo ang mga Santos sa Corinto og “ang lawas ni Kristo.” Siya buot kanila nga mag-uban sa pagtrabaho sama sa nagkalainlaing mga bahin sa lawas, naggamit sa ilang mga gasa sa pagtabang ug sa pagpanalangin sa usag usa.

1 Mga Taga-Corinto 12:15–27

Si Pablo nagsulat og usa ka sulat; Jesus naghatag og pan ngadto sa usa ka tawo.

Sa pagbuhat niini, gikinahanglan sa mga tawo ang usa ka espesyal kaayo nga matang sa gugma, gitawag og gugmang putli. Kini mao ang gugma nga si Jesukristo aduna alang sa tanan. Miingon si Pablo nga ang pagbaton og gugmang putli nagpasabot nga magpailobon sa uban, bisan kon sila mga walay kaluoy. Kini nagpasabot nga dili magbinastos, maghinakog, o magmasinahon. Kini nagpasabot og mahigugmaon sa kamatuoran ug pagbaton og paglaom.

1 Mga Taga-Corinto 13:1–7; Moroni 7:47

Usa ka lalaki naghatag og pan ngadto sa usa ka babaye.

Gisultihan ni Pablo ang mga Santos sa Corinto nga ang putling gugma molungtad sa kahangtoran. Walay pagsapayan kon unsa ang ubang mga gasa tingali kita aduna, tanan kita nagkinahanglan nga magbaton og gugmang putli. Bisan kinsa kanato makabaton og gugmang putli kon kita mangayo sa Langitnong Amahan alang niini uban sa atong tibuok nga kasingkasing ug maningkamot nga mahimong usa ka tinuod nga manununod ni Jesukristo.

1 Mga Taga-Corinto 13:1–3, 8; Moroni 7:48