Marta ug Maria

Pagpili sa unsay labing importante

Si Marta nga nag-abiabi ni Jesus ug sa Iyang mga disipulo.

Si Marta nagpuyo sa usa ka balangay nga gitawag og Betania. Dihang si Jesus ug ang Iyang mga disipulo nangadto sa Betania, giabiabi sila ni Marta sa iyang panimalay.

Lucas 10:38

Si Marta nga nagserbisyo sa iyang mga bisita.

Samtang nagtudlo si Jesus, si Marta nagkapuliki sa pagserbisyo sa iyang mga bisita. Ang iyang igsoon, si Maria, milingkod tupad ni Jesus ug naminaw sa Iyang mga pulong.

Lucas 10:39–40

Si Marta wala malipay nga nag-inusara siya nga naghimo sa tanang buluhaton. Naghunahuna siya nga kinahanglang tabangan unta siya ni Maria imbis maminaw ni Jesus. Si Marta mihangyo ni Jesus nga sultihan si Maria nga tabangan siya.

Lucas 10:40

Nakita ni Jesus ang kalisod sa gitrabaho ni Marta. Iyang giingnan siya nga nakabantay Siya nga nabalaka ra kaayo siya bahin sa daghang butang.

Lucas 10:41

Si Jesus nga nagtudlo ni Marta ug ni Maria.

Mipasabot si Jesus nga ang pipila ka butang mas importante kay sa uban. Si Maria, miingon Siya, naghimo og maayong pagpili sa pagpaminaw sa Iyang mga pulong. Ang mga butang nga iyang nakat-onan gikan ni Jesus dili gayod makuha ni bisan kinsa gikan kaniya.

Lucas 10:42