Diha sa Panaghiusa sa Hugot nga Pagtuo

Ang Apostoles ni Jesus misangyaw sa Iyang ebanghelyo sa daghang mga nasod. Ang mga tawo kinsa mituo sa ebanghelyo gibunyagan. Gusto ni Apostol Pablo nga ang tanan mobati og pag-abi-abi diha sa Simbahan sa Manluluwas, bisan kon sila gikan sa nagkalainlaing mga dapit.

Mateo 28:19–20; Mga Taga-Efeso 2:19

Misulat si Pablo og usa ka sulat ngadto sa mga Santos sa Efeso. Miingon siya nga sa dihang si Jesus namatay alang kanato, ingon kini og Iyang giguba ang usa ka bongbong nga nag-bulag sa mga anak sa Dios. Walay pagsapayan diin sila nagagikan, sila dili na mga langyaw nga wala mag-inilhanay. Sila makadawat sa ebanghelyo ug mahimong kabahin sa “panimalay sa Dios,” sama sa usa ka dakong pamilya!

Mga Taga-Efeso 2:11–19

Miingon si Pablo nga ang Simbahan sama sa usa ka lig-on nga gambalay. Ang mga gambalay nagkinahanglan og usa ka solido nga pundasyon. Ang labing importante nga bato diha sa pundasyon mao ang nag-unang tukoranang bato. Ang tanang uban nga mga bato naglinya padulong ngadto sa tukorang bato. Si Jesukristo mao ang tukoranang bato sa Simbahan.

Mga Taga-Efeso 2:20

Ang mahibilin sa pundasyon sa Simbahan mao ang mga propeta ug apostoles, kinsa magpamatuod ni Jesukristo. Ang Ginoo nagdapit usab kanatong tanan sa pagtabang og tukod sa Iyang Simbahan—pinaagi sa pagtudlo, pinaagi sa pagpangalagad, pinaagi sa pagpakigbahin sa ebanghelyo, ug sa daghang uban nga mga paagi.

Mga Taga-Efeso 2:20; 4:11–12

Ang Simbahan gikinahanglan, miingon si Pablo, sa pagtabang sa matag tawo nga makaila ni Jesukristo. Ang Simbahan ni Jesukristo ania sa yuta karon, may sa usa ka lig-on nga pundasyon ni Jesukristo ug sa Iyang mga propeta ug apostoles. Pinaagi sa Iyang Simbahan, kita makatubo “diha sa panaghiusa sa hugot nga pagtuo” ug mahimong mas mahisama ni Jesus.

Mga Taga-Efeso 2:21–22; 4:13