Si Jesus Gibunyagan

Ang Dios mitawag ni Juan sa pagtabang sa mga tawo nga maandam alang sa pag-anhi ni Jesukristo. Si Juan mitudlo sa mga tawo sa paghinulsol ug pagpabunyag. Ang mga tawo mitawag kaniya og Juan nga Magbubunyag.

Mateo 3:1–12

Si Juan usa ka gamhanan kaayo nga magtutudlo. Daghang tawo ang miadto sa pagpaminaw kaniya ug sa pagpabunyag. Usa ka adlaw, si Jesus miadto aron magpabunyag.

Mateo 3:5, 13

Nasayod si Juan nga si Jesus sa kanunay motuman sa Dios. Wala siya kinahanglana nga maghinulsol. Naghunahuna si Juan nga siya dili angay nga mobunyag ni Jesus. Naghunahuna si Juan nga si Jesus ang angay nga mobunyag kaniya!

Mateo 3:14

Miingon si Jesus nga Siya usab kinahanglan nga mabunyagan. Gusto Siya nga mosunod sa tanan nga sugo sa Iyang Amahan. Gusto usab Siya nga makita nga usa ka ehemplo alang kanato. Si Juan mibunyag Kaniya.

Mateo 3:13–15; 2 Nephi 31:5–7

Human nga si Jesus mikawas sa tubig, ang Espiritu Santo mikunsad ngadto Kaniya nga daw salampati. Ang Langitnong Amahan namulong ug miingon, “Kini mao ang pinangga kong Anak.” Ang Langitnong Amahan nalipay pag-ayo kang Jesus.

Mateo 3:16–17