Giayo ni Jesus ang Tawo Nga Dili Makalakaw

Daghang tawo gusto nga maminaw ni Jesus nga nagtudlo. Usa ka adlaw nagtudlo Siya sulod sa usa ka balay nga puno sa mga tawo.

Marcos 2:1–2

Upat ka tawo ang miadto sa balay kauban sa usa ka higala nga dili makalakaw. Kinahanglan nga alsahon siya ngadto sa higdaanan. Gusto nilang dal-on ang ilang higala ngadto ni Jesus, apan ang balay puno kaayo, dili sila makasulod.

Marcos 2:3–4

Mao nga gipas-an nila ang ilang higala ngadto sa atop sa balay. Gitangtang nila ang usa ka bahin sa atop ug gitunton ang ilang higala ug ang iyang gihigdaan sulod sa balay, taliwala sa pundok sa katawhan, sa atubangan ni Jesus.

Marcos 2:4

Dihang nakita ni Jesus ang ilang pagtuo, giingnan niya ang tawo nga paralitiko, “Anak, gipasaylo na ang imong mga sala.”

Marcos 2:5

Ang pipila ka lider sa mga Judeo, nasagmuyo dihang nadungog nila kini. Naghunahuna sila nga bugtong Dios lamang ang makapasaylo sa mga sala.

Marcos 2:6–7

Nasayod si Jesus unsay ilang gihunahuna. Aron matabangan sila sa pagsabot nga Siya adunay gahom sa pagpasaylo og mga sala, mihimo Siya og milagro. Giingnan niya ang tawo nga paralitiko, “Bangon, dad-a ang imong gihigdaan ug pauli sa inyo.” Ang tawo mibarog ug milakaw! Ang tanan natingala ug nagpasalamat sa Dios.

Marcos 2:8–12