Ang Tibuok Hinagiban sa Dios

Magpabiling luwas sa espirituhanong paagi

Si Pablo nagsulat og usa ka sulat ngadto sa mga Santos sa Efeso mahitungod sa atong espirituhanong gubat batok sa daotan.

Gitudloan ni Pablo ang mga Santos sa Efeso nga tanan kita anaa sa usa ka espirituhanong gubat batok sa daotan. Sama sa mga sundalo kinsa nagsul-ob sa hinagiban sa pagpabilin sa ilang mga lawas nga luwas, kita makasul-ob sa espirituhanong hinagiban sa Dios sa pagpabilin sa atong mga espiritu nga luwas.

Mga Taga-Efeso 6:11–13

Usa ka batan-ong babaye nagbutang og bakus nga hinagiban.

Gitandi ni Pablo ang hinagiban sa usa ka sundalo ngadto sa mga butang nga nagpanalipod kanato sa espirituhanong paagi. Sama pananglit, siya miingon nga ang kamatuoran sama sa usa ka bakos libot sa atong hawak.

Mga Taga-Efeso 6:14

Usa ka bata nga nagbutang og usa ka taming.

Sunod, si Pablo miingon nga ang pagkamatarong sama sa usa ka taming nga nagpanalipod sa atong kasingkasing.

Mga Taga-Efeso 6:14

Tinamingan nga sapatos ug mga medyas nga taas.

Ang ebanghelyo ni Jesukristo sa kalinaw sama sa sapatos nga atong isul-ob sa pagpanalipod sa atong mga tiil.

Mga Taga-Efeso 6:15

Usa ka batang babaye naggunit og usa ka taming.

Ang atong [hugot] nga pagtuo diha ni Kristo sama sa usa ka taming nga nagpanalipod kanato gikan ni Satanas, ingon lamang nga ang usa ka taming nagpanalipod sa mga sundalo gikan sa mga pana sa ilang mga kaaway.

Mga Taga-Efeso 6:16

Usa ka batang lalaki nagsul-ob og usa ka salukot nga hinagiban.

Miingon si Pablo nga ang kaluwasan sama sa usa ka salukot nga nagpabilin sa atong mga ulo ug mga hunahuna nga luwas.

Mga Taga-Efeso 6:17

Sa kataposan, miingon si Pablo nga ang Espiritu ug ang pulong sa Dios sama sa usa ka espada.

Mga Taga-Efeso 6:17

Usa ka batang babaye ug usa ka batang lalaki hingpit nga gipanalipdan pinaagi sa hinagiban sa Dios.

Kon kita magsul-ob sa tibuok hinagiban sa Dios, kita makabarog nga maisogon batok sa mga bakak ug mga tentasyon sa yawa. Ang Dios mihatag kanato niini nga hinagiban sa pagtabang kanato sa pagpabilin sa atong mga espiritu nga luwas ug lig-on.

Mga Taga-Efeso 6:11–13