Tabita, usa ka Babaye “Daghan og Maayong Binuhatan”––Nabuhi pag-usab pinaagi sa gahom ni Jesukristo

Mga Buhat 9:36–42

Tabita, usa ka Babaye “Daghan og Maayong Binuhatan”

Nabuhi pag-usab pinaagi sa gahom ni Jesukristo

Si Tabita usa ka matinud-anon nga disipulo ni Jesukristo. Nagpuyo siya sa usa ka lungsod daplin sa dagat, gitawag og Jope. Gusto siyang moserbisyo ug motabang sa mga tawo kinsa mga kabos.

Mga Buhat 9:36

Naghatag si Tabita sa mga sininaon ngadto sa mga tawo nga nagkinahanglan.

Mihimo si Tabita og mga sinina ug mihatag niini ngadto sa mga babaye nga nagkinahanglan. Gimahal nila si Tabita.

Mga Buhat 9:39

Usa ka adlaw, nasakit og grabe si Tabita. Nasakit siya og grabe nga siya namatay.

Mga Buhat 9:37

Duha ka lalaki nagdali ngadto sa pakigsulti ni Pedro.

Ang ubang mga miyembro sa Simbahan sa Jope naguol og maayo. Nahibalo sila nga si Pedro, usa sa mga Apostoles ni Jesus, diha sa usa ka duol nga lungsod. Mipadala sila og duha ka lalaki sa paghangyo ni Pedro sa pagdali ug pag-anha kanila.

Mga Buhat 9:38

Ang mga tawo naggiya ni Pedro ngadto ni Tabita.

Si Pedro miduol ngadto diin hain ang lawas ni Tabita. Ang pipila sa mga babaye nga natabangan ni Tabita dinha. Ilang gipakita ni Pedro ang mga sinina nga iyang gihimo alang kanila.

Mga Buhat 9:39

Nagluhod si Pedro ug nag-ampo sa kilid ni Tabita.

Gihangyo ni Pedro ang tanang mga tawo sa pagbiya sa lawak. Miluhod siya ug miampo.

Mga Buhat 9:40

Human mag-ampo, miingon si Pedro, “Tabita, bumangon ka.” Siya mibuka sa iyang mga mata ug mitindog. Mitabang si Pedro ni Tabita sa pagtindog. Nabuhi siya pag-usab! Gipatawag ni Pedro ang iyang mga higala sa pag-anha ug sa pagtan-aw kaniya. Nangahibulong sila! Sila nahibalo nga siya nabuhi pag-usab pinaagi sa gahom ni Jesukristo. Daghan pang mga tawo ang mituo Kaniya.

Mga Buhat 9:40-42