Gipahunong ni Jesus ang Unos

Gani ang hangin ug ang dagat mituman Kaniya

Si Jesus ug ang Iyang mga disipulo nga naa sa sakayan.

Usa ka adlaw, si Jesus ug ang Iyang mga disipulo sakay sa usa ka sakayan didto sa Dagat sa Galilea. Ang hangin nagsugod og hilabihan kakusog. Ang mga balod nagsugod sa paghampak ngadto sa sakayan, nga kini napuno sa tubig. Si Jesus, bisan pa, malinawon nga nakatulog.

Mateo 8:23–24

Ang mga disipulo nangahadlok. Gipukaw nila si Jesus. “Ginoo, luwasa kami,” misinggit sila. Abi nila og mangalumos na sila sa dagat.

Mateo 8:25

Gimanduan ni Jesus ang dagat nga molinaw.

“Nganong nangahadlok man mo kaayo?” Nangutana si Jesus. Giingnan niya ang mga disipulo nga nagkinahanglan sila og dugang nga pagtuo. Dayon mibarog Siya ug giingnan ang hangin ug ang mga balod nga, “Hunong.”

Mateo 8:26; Marcos 4:39

Ang mga disipulo nga naghunahuna sa unsang paagi si Jesus makapahunong sa unos.

Diha dayon ang unos mihunong, ug nakalma ang dagat. Si Jesus ug ang mga disipulo luwas na. Ang mga disipulo ni Jesus natingala. Naghunahuna sila unsa nga matang sa tawo ang makamando sa hangin ug sa dagat, ug sila mituman Kaniya!

Mateo 8:26–27