Pablo ug Silas

Naluwas pinaagi sa mga milagro gikan sa Ginoo

Gitawag sa Ginoo si Pablo ug si Silas sa pagsangyaw sa ebanghelyo nga magkuyog. Mibiyahe sila ngadto sa daghang mga siyudad sa pagtan-aw kon unsa ang dagan sa mga simbahan didto.

Mga Buhat 15:40–41; 16: 4–8

Usas ka gabii, diha sa usa ka panan-awon, nakita ni Pablo ang usa ka lalaki gikan sa Macedonia naghangyo kaniya sa pag-adto sa iyang siyudad. Mibiya dayon si Pablo ug si Silas. Nahibalo sila nga ang Dios buot kanila nga moadto.

Mga Buhat 16:9–10

Si Pablo ug si Silas nagsangyaw ngadto sa usa ka babaye nga ginganlan og Lidia.

Sa dihang sila miabot sa Macedonia, usa ka babaye nga ginganlan og Lidia nakadungog kanila nga nagtudlo. Ang Ginoo miabli sa kasingkasing ni Lidia. Mituo siya sa unsay gitudlo ni Pablo ug nagpabunyag.

Mga Buhat 16:13–15

Nagsulti si Lidia ni Pablo ug ni Silas nga sila makapuyo sa iyang panimalay.

Misulti si Lidia ni Pablo ug ni Silas nga sila makapuyo sa iyang balay samtang sila anaa didto.

Mga Buhat 16:15

Ang mga tawo nagdala ni Pablo ug ni Silas ngadto sa taboan.

Apan dili tanan nakagusto nga si Pablo ug si Silas anaa didto. Ang ubang mga tawo wala makagusto sa unsay ilang gitudlo. Gidala nila si Pablo ug si Silas ngadto sa taboan ug gisultihan ang mga lider sa siyudad nga sila nakahimo og kagubot.

Mga Buhat 16:16–21

Mga tawo nagpangasuko ni Pablo ug ni Silas.

Ang mga tawo nasuko ni Pablo ug ni Silas. Ang mga lider sa siyudad migisi sa mga sinina ni Pablo ug ni Silas ug misulti nga sila kinakanglan nga bunalan.

Mga Buhat 16:22–23

Dayon ang mga lider sa siyudad mibalhog ni Pablo ug ni Silas sa bilanggoan. Gigapos ang ilang mga tiil ug nagbutang og usa ka magbabantay alang kanila.

Mga Buhat 16:23–24

Kang Pablo ug Silas nga mga kadena sa bilanggoan nangatangtang.

Nianang gabhiona si Pablo ug si Silas miampo ug miawit og mga himno ngadto sa Dios samtang ang ubang mga binilanggo naminaw. Sa kalit, ang yuta misugod sa pag-uyog. Ang mga pultahan sa bilanggoan naabli, ug ang mga gapos natangtang.

Mga Buhat 16:25–26

Si Pablo misulti sa bantay sa dili pagkabalaka.

Ang bantay nakamata ug nakakita sa mga pultahan nga naabli. Naghunahuna siya nga ang mga binilanggo naka-eskapo ug nga siya makastigo tungod sa ilang pag-eskapo. Si Pablo misulti sa magbalantay sa dili pagkabalaka. Ang tanan nga mga binilanggo anaa pa gihapon.

Mga Buhat 16:27–28

Nagsulti si Pablo sa magbalantay nga motuo ni Jesukristo.

Ang magbalantgay nahadlok. Miluhod siya tupad ni Pablo ug Silas ug miingon, “Unsay kinahanglang buhaton ko aron maluwas ako?” Sila miingon, “Tumuo ka sa Ginoong Jesukristo.”

Mga Buhat 16:27–31

Si Pablo ug si Silas nagtudlo sa ebanghelyo ngadto sa magbalantgay ug sa iyang pamilya.

Si Pablo ug si Silas mitudlo sa ebanghelyo ngadto sa magbalantay ug sa iyang pamilya. Ang magbalantay miamuma sa mga samad ni Pablo ug ni Silas. Nianang gabhiona ang magbalantay ug ang iyang pamilya gibunyagan!

Mga Buhat 16:32–33