Si Jesus Miayo sa Napulo ka Tawo nga Sanlahon

Ang kaimportante sa pagpasalamat

Si Jesus nakakita og pundok sa mga tawo nga masakiton.

Samtang nagbiyahe si Jesus, misulod Siya sa usa ka balangay ug nakakita og napulo ka tawo nga dunay grabe kaayong sakit sa panit nga gitawag og sanla. Ang mga tawo nga dunay sanla kinahanglang mopalayo gikan sa tanan, bisan sa ilang mga pamilya, aron dili nila matakdan ang ubang tawo.

Lucas 17:11–12

Ang mga tawo naghangyo ni Jesus sa pag-ayo kanila.

Ang mga tawo mitawag ni Jesus ug mihangyo Kaniya sa pag-ayo kanila. Giingnan sila ni Jesus sa pag-adto sa mga pari nga naa sa lungsod. Ang mga pari lamang ang makahukom kon ikauban ba nila og balik ang ubang tawo.

Lucas 17:13–14; tan-awa usab sa Levitico 14:2–3

Dihang ang napulo ka tawong masakiton nanglakaw sa pagbisita sa mga pari, usa ka milagro ang nahitabo. Nawagtang ang ilang mga sakit. Nangaayo sila!

Lucas 17:14

Ang usa sa mga lalaki nagpasalamat sa Dios tungod sa pagkaayo.

Dihang ang usa sa mga tawo nakakita nga naayo siya, mibalik siya ug sa makusog nga tingog nagdayeg sa Dios. Usa siya ka Samarianhon.

Lucas 17:15–16

Si Jesus nga nakigsulti sa usa ka tawo mahitungod sa pagtuo.

Ang tawo miluhod sa tiilan ni Jesus aron sa pagpasalamat Kaniya sa Iyang gihimo. Nangutana si Jesus kon asa ang ubang siyam ka lalaki nga nangaayo. Usa ra ka tawo ang mibalik sa pagpasalamat Kaniya! Si Jesus dayon miingon sa maong tawo, Tindog ug lakaw: ang imong pagtuo maoy nakaayo kanimo.”

Lucas 17:16–19