Mga Anak sa Kahayag––Nagtuo diha ni Jesukristo samtang kita naghulat alang Kaniya nga moanhi pag-usab

1 ug 2 Mga Taga-Tesalonica

Mga Anak sa Kahayag

Mga Anak sa Kahayag—Nagtuo diha ni Jesukristo samtang kita naghulat alang Kaniya nga moanhi pag-usab

Si Pablo nagsulat og usa ka sulat ngadto sa mga tawo sa Tesalonica.

Ang mga Santos sa panahon ni Pedro naghinam-hinam alang sa adlaw nga si Jesus moanhi sa yuta pag-usab. Sa usa ka dapit nga gitawag og Tesalonica, ang kinabuhi nagkalisod alang sa mga Santos. Sila naghunahuna kon kini nangahulogan ba nga si Jesus moanhi sa labing madali kaayo. Misulat si Pablo og mga sulat sa pagtabang kanila.

1 Mga Taga-Tesalonica 4:16–18; 5:1–2; 2 Mga Taga-Tesalonica 1:4–10

Miingon si Pablo nga walay usa nga nahibalo kanus-a si Jesus moanhi pag-usab. Kini usa ka sorprisa ngadto sa pipila ka mga tawo, sama sa usa ka kawatan nga moabot sa kagabhion samtang sila nangatulog.

1 Mga Taga-Tesalonica 5:2–3; 2 Mga Taga-Tesalonica 2:2

Usa ka malipayong pamilya nag-uban sa paglingkod diha sa mahayag nga suga sa lampara nga lana.

Apan gisultihan ni Pablo ang mga Santos nga sila wala diha sa kangitngit. Tungod kay sila misunod ni Jesukristo, ang mga Santos mga anak sa kahayag!

1 Mga Taga-Tesalonica 5:4–5

Ang malipayon nga pamilya nakigbahin sa ebanghelyo ngadto sa lain nga pamilya.

Gipasabot ni Pablo sa dili pa moanhi pag-usab si Jesus, daghang mga tawo ang motalikod gikan sa kamatuoran. Gusto niya nga ang mga Santos, ang mga anak sa kahayag, magpabilin nga mosunod ni Jesus ug magpabilin sa pagtan-aw sa unahan ngadto sa Iyang pag-abot. Kon kini atong buhaton, walay pagsapayan kon unsa ang mahitabo dinhi sa kalibotan, kita maandam kon si Jesus mobalik.

1 Mga Taga-Tesalonica 1:5; 2 Mga Taga-Tesalonica 2:3