Si Juan nga Magbubunyag Natawo—Ang Dios mituman sa usa ka saad ngadto ni Elisabet ug ni Zacarias

Lucas 1:5–25, 57–80

Si Juan nga Magbubunyag Natawo

Ang Dios mituman sa usa ka saad ngadto ni Elisabet ug ni Zacarias

Si Zacarias ug si Elisabet nga nag-ampo aron makabaton og anak.

Si Zacarias ug Elisabet matinud-anong mga tawo nga nahigugma sa Dios. Nag-ampo sila nga makabaton og anak. Karon mga tigulang na kaayo sila, ug wala gihapon silay mga anak.

Lucas 1:5–7

Si Zacarias usa ka pari nga nagserbisyo sa templo sa Jerusalem. Usa ka adlaw, siya ang gipili nga mosunog og insenso sa sagradong lawak sa templo.

Lucas 1:8–10

Usa ka anghel nga nagpakita kang Zacarias.

Sa kalit, usa ka anghel ang mipakita. Nahadlok si Zacarias. Ang anghel miingon.“Ayawg kahadlok, Zacarias: kay gidungog ang imong pag-ampo.” Miingon siya nga si Zacarias ug Elisabet manganak og batang lalaki. Sila mongalan kaniya og Juan. Miingon ang anghel nga si Juan dunay importante nga buhaton. Motabang siya sa mga tawo nga maandam alang sa pagdawat sa Manluluwas kon Siya moanhi.

Lucas 1:12–17

Si Zacarias dili makatuo sa unsay gisulti sa anghel. Siya ug si Elisabet tigulang na kaayo nga makabaton og mga anak. Ang anghel miingon nga tungod kay si Zacarias wala motuo sa iyang mensahe, dili siya makasulti hangtod nga matawo si Juan.

Lucas 1:18–20

Si Zacarias nga mibiya sa templo. Dili na siya makasulti.

Natingala ang mga tawo nganong si Zacarias dugay kaayo sa sulod sa templo. Dihang mibiya siya, dili na siya makasulti. Makaingon sila nga dunay espesyal nga butang nga nahitabo.

Lucas 1:21–23

Si Elisabet ug Zacarias nga nagkugos sa ilang bag-ong natawo nga anak.

Mga bulan ang milabay, si Elisabet duna nay anak, sama sa gisaad sa anghel. Ang ilang pamilya ug mga higala labihan ang kalipay! Nangadto sila sa paghimamat sa bata.

Lucas 1:57–59

Si Elisabet ug Zacarias nga naghatag og ngalan sa bata.

Naghunahuna sila nga nganlan nila ang bata og Zacarias, sama sa iyang amahan. Miingon si Elisabet, “Juan ang ingalan kaniya.” Gipangutana nila si Zacarias, kinsa dili gihapon makasulti. Misulat siya, “Juan ang iyang ngalan.” Nahibulong and tanan.

Lucas 1:59–63

Miingon si Zacarias nga ang bata mahimong usa ka propeta.

Sa kalit, nakasulti na usab si Zacarias. Nagpasalamat siya sa Dios ug napuno sa Espiritu Santo. Gisultihan niya ang tanan nga ang Dios nahinumdom sa Iyang mga saad ngadto sa Iyang katawhan. Miingon siya nga si Juan mahimong usa ka propeta. Si Juan motudlo sa mga tawo sa paghinulsol ug magpabunyag. Motabang siya kanila nga maandam sa pagkat-on gikan ni Jesukristo.

Lucas 1:64–80