Mga Istorya sa Kasulatan
Si Jesus Nag-ayo sa Tawo nga Buta—Usa ka anam-anam nga pagkaayo

Marcos 8:22–25

Si Jesus Nag-ayo sa Tawo nga Buta

Usa ka anam-anam nga pagkaayo

Ang mga tawo nagdala og tawo nga buta aron ayuhon ni Jesus.

Sa usa ka lungsod sa Betsaida, ang mga tawo nagdala og usa ka tawo nga buta ngadto kang Jesus. Gusto nilang si Jesus mopanalangin kaniya aron siya makakita.

Marcos 8:22

Si Jesus mipanalangin sa tawo.

Gigunitan ni Jesus ang kamot sa tawo ug gidala siya ngadto sa gawas sa lungsod. Dayon gibutang ni Jesus ang Iyang mga kamot diha sa tawo ug gipanalanginan siya.

Marcos 8:23

Ang tawo makakita na karon, apan dili kaayo klaro.

Si Jesus nangutana sa tawo kon may nakita na ba siya. Ang tawo mitan-aw sa ibabaw. Miingon siya nga makakita siya og gamay, apan dili kaayo klaro. Miingon siya nga ang mga tawo morag mga kahoy nga naglakaw.

Marcos 8:23–24

Ang tawo makakita na og klaro karon.

Gipanalanginan og usab ni Jesus ang maong tawo. Niining higayona, mitan-aw siya sa ibabaw, ang tanan klaro. Giayo siya ni Jesus!

Marcos 8:25