Mga Istorya sa Kasulatan
Dali ug Tan-awa—Ang pagdapit og usa ka higala sa pagsunod ni Jesus

Juan 1:43–51

Dali ug Tan-awa

Ang pagdapit og usa ka higala sa pagsunod ni Jesus

Si Felipe nga naminaw ni Jesus samtang nagtudlo Siya og mga tawo.

Usa ka tawo nga ginganlan og Felipe usa sa mga sumusunod ni Jesus. Nasayod siya nga si Jesus mao ang Manluluwas. Si Felipe gusto nga ang iyang higala nga si Natanael masayod usab mahitungod ni Jesus.

Juan 1:43–45

Si Felipe nga nakigsulti sa iyang higala nga si Natanael.

Si Natanael nasayod nga ang mga kasulatan nag-ingon nga ang Dios magpadala og usa ka Manluluwas. Giingnan siya ni Felipe nga nakit-an niya ang Manluluwas—ang Iyang ngalan mao si Jesus, gikan sa Nazaret.

Juan 1:45

Si Felipe nga nagdapit ni Natanael sa pag-adto ug sa pakigkita ni Jesus.

Sa una si Natanael dili motuo kaniya. Wala siya magtuo nga ang Manluluwas maggikan sa Nazaret. “May maayo ba gud gikan sa Nazaret?” nangutana siya. Si Felipe mitubag, “Dali diri ug tan-awa.”

Juan 1:46

Si Jesus nga nagtimbaya ni Natanael.

Si Natanael miadto kauban ni Felipe sa pakigkita ni Jesus. Dihang nakita sila ni Jesus nga nagpadulong, miingon Siya nga si Natanael maayo ug matinud-anon nga tawo. Si Natanael nakalitan. Wala pa gayod siya makahimamat ni Jesus kaniadto. Giunsa sa pagkaila ni Jesus kaniya?

Juan 1:47–48

Si Jesus nga nakigsulti ni Natanael.

Gisultihan ni Jesus si Natanael nga sa wala pa makigsulti si Felipe kaniya, si Jesus nakakita kaniya nga naglingkod ilalom sa kahoyng igira.

Juan 1:48

Si Natanael nga nagluhod sa atubangan ni Jesus.

Karon si Natanael nasayod na nga si Jesus mao ang Anak sa Dios. Gisultihan ni Jesus si Natanael nga makakita siya unya og mas kahibulongan pang mga butang—sama sa mga anghel nga manggawas gikan sa langit—tanan tungod sa iyang pagtuo.

Juan 1:49–51