Si Jesus Mipasaylo sa usa ka Babaye

“Siya gihigugma sa hilabihan”

Si Simon midapit ni Jesus ngadto sa iyang balay.

Usa ka tawo nga ginganlan og Simon midapit ni Jesus sa pag-adto sa iyang balay ug makig-uban kaniya sa pagkaon. Si Simon usa sa mga lider sa grupo nga gitawag og mga Pariseo.

Lucas 7:36

Usa ka babaye nga miadto aron makakita ni Jesus.

Samtang nangaon sila, usa ka babaye miadto sa balay ni Simon. Nakadungog siya nga tua didto si Jesus. Gusto siyang mopakita sa iyang pasalamat ug gugma alang Kaniya.

Lucas 7:37

Ang babaye mihugas sa mga tiil ni Jesus.

Ang babaye mihilak dihang nakita niya si Jesus. Ang iyang mga luha gihugas sa Iyang mga tiil. Dayon gipauga niya ang Iyang mga tiil pinaagi sa iyang buhok. Gihalokan niya ang Iyang mga tiil ug gibuboan kini og pahumot.

Lucas 7:38

Nasagmuyo si Simon nga ang babaye nakig-istorya kang Jesus.

Nasayod si Simon nga kini nga babaye nakahimo og daghang sala. Naghunahuna siya nga kon si Jesus anak gayod sa Dios, masayod Siya nga makasasala kining bayhana, ug dili Siya motugot nga siya mohikap Kaniya.

Lucas 7:39

Si Jesus nga mipasabot nganong gihugasan sa babaye ang Iyang mga tiil.

Nasayod si Jesus unsay gihunahuna ni Simon. Giingnan niya si Simon nga gihugasan sa babaye ang Iyang mga tiil tungod kay siya nahigugma Kaniya. Sa kasagaran, ang mga bisita hatagan og tubig nga ihugas sa ilang mga tiil. Si Simon walay gihimo bisan unsa aron ipakita ang gugma alang ni Jesus.

Lucas 7:40–47

Gisultihan ni Jesus ang babaye sa pagpauli nga malinawon.

Gisultihan ni Jesus ang babaye nga siya napasaylo sa iyang mga sala tungod kay siya nahigugma Kaniya ug adunay pagtuo Kaniya. Iya siyang giingnan nga siya makapauli nga malinawon.

Lucas 7:47–50