Kraftaverk í ferðalagi Páls til Rómar

Andinn sagði Páli að fara til Jerúsalem. Mörgum þar líkaði ekki það sem Páll kenndi um Jesú Krist. Þeir tóku hann fastan og fjötruðu hann. Páll sagði öllum frá þeim tíma þegar hann sá ljós frá himni, heyrði rödd Jesú og lét skírast.

Postulasagan 21:4, 12–13, 27–40; 22:1–16

Páll var settur í fangelsi. Meðan hann var þar, birtist Jesús og sagði: „Vertu hughraustur, Páll.“ Hann sagði að Páll myndi vitna um sig í Róm.

Postulasagan 23:10–11

Páll var færður fyrir landshöfðingja og konung. Hann bar djarflega vitni um Jesú Krist fyrir þessum valdamiklu höfðingjum. Hann vildi að allir tryðu á Jesú.

Postulasagan 24:10–27; 25:6–8, 17–19; 26:1–29

Konungur sendi Pál til Rómar til að láta keisarann dæma hann. Páll ferðaðist með báti ásamt öðrum föngum, skipið stoppaði á leiðinni. Á einum viðkomustað sínum vissi Páll að brátt kæmi vetur. Ef þeir héldu áfram væru þeir í mikilli hættu. Hann sagði áhöfn skipsins að bíða þar til veðrið lagaðist.

Postulasagan 27:1–10

Enginn lagði trúnað á orð Páls, svo þeir héldu áfram að sigla. Mikill stormur skall á og báturinn kastaðist til og frá í öldum í marga daga. Þeir sáu hvorki sólina né stjörnurnar. Þeir héldu að þeir myndu deyja í storminum.

Postulasagan 27:11–20

Nótt eina vitjaði engill Guðs Páls og sagði: „Óttast þú eigi, Páll.“ Engillinn sagði að Páll myndi komast til Rómar, eins og Drottinn hafði lofað. Hann sagði að Guð myndi vernda alla á skipinu – enginn þeirra myndi deyja.

Postulasagan 27:23–24

Páll sagði öllum það sem engillinn sagði. „Verið vonglaðir,“ sagði Páll, „ég treysti Guði.“

Postulasagan 27:21–25

Nokkrum dögum síðar brotlenti skipið og sökk. Enginn á skipinu dó, alveg eins og engillinn hafði lofað. Þeir syntu allir til eyju sem hét Malta.

Postulasagan 27:40–44; 28:1

Fólkið sem bjó á Möltu var vingjarnlegt við Pál og hina úr skipinu. Það kveikti eld svo öllum gæti hlýnað.

Postulasagan 28:2

Skyndilega kom snákur út úr eldinum og beit Pál í höndina. Páll skaðaðist þó ekki. Hann hristi bara snákinn af sér. Fólkið fylltist hrifningu!

Postulasagan 28:3–6

Maður að nafni Públíus leyfði Páli að dvelja heima hjá sér. Faðir Públíusar var mjög veikur. Páll lagði hendur yfir hann og notaði kraft Guðs til að lækna hann.

Postulasagan 28:7–8

Paul var þrjá mánuði á Möltu. Drottinn hjálpaði honum að gera mörg kraftaverk, blessa og lækna veikt fólk. Síðan, eins og Drottinn hafði lofað, ferðaðist Páll til Rómar.

Postulasagan 28:9–16

Páll var enn í fangelsi meðan hann var í Róm. En verðir hans leyfðu fólki að heimsækja hann. Páll kenndi um Jesú Krist hverjum þeim sem á vildi. Hann skrifaði einnig bréf til meðlima kirkjunnar á mörgum stöðum. Sum þessara bréfa eru í Nýja testamentinu.

Postulasagan 28:16–31