Jesús læknar mann sem gat ekki gengið

Margir vildu hlýða á kennslu Jesú. Eitt sinn var hann að kenna í húsi sem var fullt af fólki.

Markús 2:1–2.

Fjórir menn komu að húsinu með vin sem gat ekki gengið. Þeir þurftu að bera hann í rúmi. Þeir hugðust fara með vin sinn til Jesú, en húsið var svo fullt af fólki að þeir komust ekki inn.

Markús 2:3‒4

Þeir báru því vin sinn upp á þak hússins. Þeir gerðu gat á þakið og létu vin sinn og rúm hans síga niður í húsið, mitt í mannþrönginni, við hlið Jesú.

Markús 2:4

Þegar Jesús sá trú þeirra, sagði hann við lama manninn: „Barnið mitt, syndir þínar eru fyrirgefnar.“

Markús 2:5

Nokkrir leiðtogar Gyðinga urðu æstir þegar þeir heyrðu þetta. Þeir héldu að einungis Guð gæti fyrirgefið syndir.

Markús 2:6–7

Jesús vissi hvað þeir voru að hugsa. Til að hjálpa þeim að skilja að hann hafði mátt til að fyrirgefa syndir, gerði hann kraftaverk. Hann sagði við manninn sem ekki gat gengið: „Statt upp, tak rekkju þína og far heim til þín.“ Maðurinn stóð upp og gekk! Allir voru forviða og færðu Guði þakkir.

Markús 2:8‒12