Sögur úr ritningunum
Gengið á vatninu — Trú sigrar óttann

Matteus 14:22–33

Gengið á vatninu

Trú sigrar óttann

Jesús horfir á bát á Galíleuvatni.

Jesús vildi fá tíma til að biðja í einrúmi. Hann sendi lærisveina sína á báti hinum megin við Galíleuvatn. Jesús fór og baðst fyrir á fjalli einu.

Matteus 14:22–23

Postularnir lenda í stormi.

Þessa nótt var vindurinn sterkur og öldurnar stórar. Lærisveinar Jesú unnu hörðum höndum alla nóttina við að koma bátnum hinum megin við vatnið.

Matteus 14:24–25

Postularnir sjá Jesú ganga í átt að sér á vatninu.

Þegar kvöldið var næstum búið, sáu lærisveinarnir einhvern ganga í átt til sín á vatninu. Þeir héldu að þetta væri draugur og urðu hræddir. Það var ekki draugur; það var Jesús! Hann kallaði til þeirra: „Verið hughraustir, það er ég, verið óhræddir.“

Matteus 14:25–27

Jesús býður Pétri að koma til sín á vatninu.

Pétur bað Jesú að bjóða sér að koma til sín á vatninu. Jesús sagði: „Kom þú!“ Pétur sté út úr bátnum og gekk á vatninu, alveg eins og Jesús!

Matteus 14:28‒29

Pétur verður hræddur og byrjar að sökkva.

En þegar Pétur sá sterkan vindinn og háar öldurnar varð hann hræddur. Hann tók að sökkva í vatnið. Hann hrópaði til Jesú: „Drottinn, bjarga þú mér!“

Matteus 14:30

Jesús réttir Pétri hönd sína.

Jesús rétti fram höndina og greip í Pétur. Hann spurði Pétur hvers vegna hann efaðist í stað þess að treysta honum betur.

Matteus 14:31

Jesús og Pétur fara aftur í bátinn.

Þegar Jesús og Pétur komu aftur í bátinn lægði vindinn. Lærisveinarnir voru undrandi yfir því sem gerst hafði. Þeir vissu að Jesús var sannarlega sonur Guðs og tilbáðu hann.

Matteus 14:32‒33