Postular Jesú leiða kirkju hans

Kenna, skíra, lækna og miðla öllu

Eftir að Jesús snéri aftur til föður síns á himnum, voru postularnir leiðtogar kirkjunnar. Þeir kenndu fagnaðarerindi frelsarans, buðu fólki að ganga í kirkju hans og gerðu mörg kraftaverk með krafti Guðs. Jesús lofaði að hjálpa þeim með því að senda heilagan anda.

Postulasagan 1:8–13; 2:41–47

Þar sem Júdas dó, voru postularnir aðeins ellefu. Postularnir báðust fyrir til að fá að vita hvern Guð vildi láta koma í stað Júdasar og verða sérstakt vitni Jesú Krists. Guð kaus sér mann að nafni Matthías. Hann varð einn af postulunum tólf.

Postulasagan 1:15–26

Postularnir eru fylltir krafti heilags anda.

Lærisveinarnir voru saman í Jerúsalem á sérstökum hátíðisdegi Gyðinga. Skyndilega var eins og vindur af himni fyllti húsið. Þeir sáu ljós sem líktist eldi sem hvíldi á þeim og þeir uppfylltust allir af heilögum anda. Vegna heilags anda gátu þau talað á öðrum tungumálum.

Postulasagan 2:1–4

Fólk safnast saman til að hlýða á postulana tala.

Þegar fólkið í Jerúsalem heyrði af þessu, safnaðist mikill mannfjöldi saman. Þótt fólkið í hópnum væri frá mörgum löndum og talaði mismunandi tungumál, þá heyrði það hvert og eitt það sem postularnir sögðu á sínu eigin tungumáli. Fólkið var furðu lostið!

Postulasagan 2:5–13

Pétur stóð upp og talaði til mannfjöldans. Hann sagði þeim frá Jesú Kristi. Hann bar vitni um að Jesús væri frelsarinn og væri upprisinn.

Postulasagan 2:14–36

Fólk spyr postulana hvernig það geti breytt lífi sínu.

Þegar fólkið heyrði þetta fannst því að það þyrfti að breytast. Þau spurðu postulana hvað þeir ættu að gera.

Postulasagan 2:37

Pétur sagði við þá: „Takið sinnaskiptum og látið skírast í nafni Jesú Krists svo að þið öðlist fyrirgefningu syndanna og gjöf heilags anda.“ Um 3.000 manns skírðust og gengu í kirkjuna þann dag.

Postulasagan 2:38–43

Maður sem getur ekki gengið er fyrir framan musterið.

Seinna fóru Pétur og Jóhannes í musterið. Þeir sáu mann sem gat ekki gengið. Hann sat þar alla daga og bað fólk um peninga.

Postulasagan 3:1–2

Maðurinn bað Pétur og Jóhannes um peninga. Þeir stöðvuðu og horfðu fast á hann. Pétur sagði: „Lít þú á okkur.“

Postulasagan 3:3-4

Maðurinn læknaðist fyrir kraft Guðs og er fær um að rísa á fætur.

Pétur sagði þá hvorki hafa silfur né gull. En þeir höfðu nokkuð betra. „Í nafni Jesú Krists frá Nasaret,“ sagði hann, „statt upp og gakk.“ Pétur hjálpaði honum að rísa á fætur. Í fyrsta skipti á ævinni gat maðurinn gengið! Hann var svo glaður að hann stökk upp og gekk inn í musterið með Pétri og Jóhannesi.

Postulasagan 3:6–8

Pétur býður fólki að iðrast og trúa á Jesú.

Fólkið var furðu lostið. Pétur sagði þeim að það væri ekki máttur hans eða máttur Jóhannesar sem læknaði manninn. Hann læknaðist fyrir kraft Jesú Krists og trú á hann. Pétur sagði þeim að iðrast og trúa á Jesú.

Postulasagan 3:9–26

Nokkrir leiðtogar segja Pétri og Jóhannesi að þeir geti ekki kennt um Jesú.

Nokkrum leiðtogum Gyðinga líkaði ekki það sem Pétur og Jóhannes kenndu. Þeir sögðu að engum væri leyft að kenna um Jesú.

Postulasagan 4:1–18

Pétur og Jóhannes segja leiðtogunum að Guð vilji að fólk viti um Jesú.

Pétur og Jóhannes sögðust myndu hlýða Guði og Guð vildi að þeir segðu fólkinu það sem þeir vissu um Jesú Krist.

Postulasagan 4:19–20

Fólk safnast saman þegar Pétur skírir konu.

Postularnir héldu áfram að kenna fagnaðarerindi frelsarans af miklum krafti. Sífellt fleiri gengu í kirkju hans. Fólkið var fyllt andanum. Það bar elsku hvers til annars og miðlaði öllu. Það seldi það sem það átti og gaf féið postulunum til að gefa fátækum.

Postulasagan 4:31–37