Sögur úr ritningunum
Jesús lægir storminn – Jafnvel vindur og vatn hlýða honum

Matteus 8:23–27; Markús 4:36–41

Jesús lægir storminn

Jafnvel vindur og vatn hlýða honum

Jesús og lærisveinar hans í báti.

Dag nokkurn voru Jesús og lærisveinar hans á ferð á báti á Galíleuvatni. Það tók að hvessa mjög mikið. Öldur tóku að skella á bátnum og fylltu hann af vatni. Jesús var hins vegar friðsæll og sofandi.

Matteus 8:23–24

Lærisveinarnir vekja Jesú.

Lærisveinarnir voru óttaslegnir. Þeir vöktu Jesú. „Drottinn, bjarga þú okkur,“ hrópuðu þeir. Þeir héldu að þeir myndu drukkna í vatninu.

Matteus 8:25

Jesús býður vatninu að hafa hljótt um sig.

„Hví eruð þið hræddir?“ spurði Jesús. Hann sagði lærisveinunum að þeir þyrftu að hafa meiri trú. Hann stóð síðan upp og sagði við vindinn og öldurótið: „Haf hljótt um þig.“

Matteus 8:26; Markús 4:39

Lærisveinarnir veltu fyrir sér hvernig Jesús gæti lægt storminn.

Skyndilega lægði storminn og vatnið varð kyrrt. Jesús og lærisveinarnir voru öruggir. Lærisveinar Jesú voru undrandi. Þeir veltu fyrir sér hvers konar manneskja gæti stjórnað vindi og sjó sem hlýddu honum!

Matteus 8:26–27