Alma

Buki di Mormon

Kontenido
Introdukshon i Testigunan
1 Nefi
2 Nefi
Yakob
Enos
Yarom
Omni
Palabranan di Mormon
Mosias
Alma
Helamán

Alma

Kapítulo 1
Nehor ta siña doktrinanan falsu, ta establesé un iglesia, ta introdusí mañanan saserdotal, i ta mata Gideon—Nehor ta wòrdu ehekutá pa su krímennan—Mañanan saserdotal i persekushonnan ta plama entre e pueblo—E saserdotenan ta sostené nan mes, e pueblo ta kuida di e pober, i e Iglesia ta prosperá. Aproksimadamente 91–88 pK.
Kapítulo 2
Amlisi ta buska pa ta rei i ta wòrdu rechasá pa e stèm di e pueblo—Su siguidónan ta hasié rei—E amlisitanan ta hasi guera kontra e Nefitanan i ta wòrdu derotá—E lamanitanan i amlisitanan ta uni forsa i ta wòrdu derotá—Alma ta mata Amlisi. Aproksimadamente 87 pK.
Kapítulo 3
E amlisitanan a marka nan mes di akuerdo ku e palabra profétiko—E lamanitanan a wòrdu maldishoná pa nan rebelion—Hende ta trese nan mes maldishonnan riba nan mes—E nefitanan a derotá un otro ehérsito lamanita. Aproksimadamente 87–86 pK.
Kapítulo 4
Alma ta batisá míles di komberso—Maldat ta drenta e Iglesia, i e progreso di e Iglesia ta wòrdu strobá—Nefiha ta wòrdu nombrá hues superior—Alma, komo sumo saserdote, ta dediká su mes na e ministerio. Aproksimadamente 86–83 pK.
Kapítulo 5
Pa logra salbashon, hende mester arepentí i warda e mandamentunan, nase di nobo, limpia nan pañanan pa medio di e sanger di Kristu, ta humilde i apartá nan mes for di orguyo i envidia, i hasi e obranan di hustisia—E Bon Wardadó ta yama Su pueblo—Esnan ku hasi obranan maligno ta yunan di diabel—Alma ta testifiká di e bèrdat di su doktrina i ta manda hende pa arepentí—E nòmbernan di esnan rekto lo wòrdu skirbí den e buki di bida. Aproksimadamente 83 pK.
Kapítulo 6
E Iglesia na Zarahemla ta wòrdu purifiká i poné na òrdu—Alma ta bai na Gideon pa prediká. Aproksimadamente 83 pK.
Kapítulo 7
Kristu lo nase di Maria—E lo lòs e kadenanan di morto i karga e pikánan di Su pueblo—Esnan ku arepentí, wòrdu batisá, i warda e mandamentunan lo tin bida eterno—Sushedat no por heredá e reino di Dios—Humildat, fe, speransa i karidat ta nesesario. Aproksimadamente 83 pK.
Kapítulo 8
Alma ta prediká i batisá na Melèk—E ta wòrdu rechasá na Amoniha i ta bai—Un angel ta mand’é pa regresá i proklamá arepentimentu na e pueblo—E ta wòrdu risibí pa Amulek, i nan dos ta prediká na Amoniha. Aproksimadamente 82 pK.
Kapítulo 9
Alma ta manda e pueblo di Amoniha pa arepentí—Señor lo ta mizerikordioso ku e lamanitanan den e delaster dianan—Si e nefitanan bandoná e lus, nan lo wòrdu destruí dor di e lamanitanan—E Yu di Dios lo bini pronto—E lo redimí esnan ku arepentí, wòrdu batisá, i tin fe den Su nòmber. Aproksimadamente 82 pK.
Kapítulo 10
Lehi ta desendiente di Manase—Amulek ta relatá e mandamentu angelikal pa e kuida di Alma—E orashonnan di e rektonan ta kousa pa e pueblo wòrdu di spar—Abogado i huesnan inhustu a pone e fundeshi di e destrukshon di e pueblo. Aproksimadamente 82 pK.
Kapítulo 11
Ta deskribí e sistema monetario di e nefitanan—Amulek ta kontendé ku Zeezrom—Kristu lo no salba hende den nan pikánan—Solamente esnan ku heredá e reino di shelu ta wòrdu salbá—Tur hende lo lanta den inmortalidat—No tin morto despues di e Resurekshon. Aproksimadamente 82 pK.
Kapítulo 12
Alma ta papia ku Zeezrom—E misterionan di Dios por wòrdu duná solamente na esnan fiel—Hendenan ta wòrdu husgá pa nan pensamentu, kreensia, palabra, i obranan—E malbadonan lo sufri un morto spiritual—E bida mortal aki ta un estado di prueba—E plan di redenshon ta laga e Resurekshon tuma lugá i, pa medio di fe, un remishon di pikánan—Esun ku arepentí tin un derechi riba mizerikòrdia pa medio di e Úniko Yu Engendrá. Aproksimadamente 82 pK.
Kapítulo 13
Hòmbernan ta wòrdu yamá komo sumo saserdotenan pa motibu di nan gran fe i bon obranan—Nan mester siña e mandamentunan—Pa medio di rektitut nan ta wòrdu santifiká i ta drenta den e sosiegu di Señor—Melkisedèk tabata un di esakinan—Angelnan ta deklarando bon notisianan rònt di e tera—Nan lo deklará e binida real di Kristu. Aproksimadamente 82 pK.
Kapítulo 14
Alma i Amulek ta wòrdu enkarselá i gòlpiá—E kreyentenan i nan Skrituranan santu ta wòrdu kimá pa kandela—E mártirnan aki ta wòrdu risibí dor di Señor den gloria—E murayanan di prizòn ta sker i kai—Alma i Amulek ta wòrdu liberá, i nan persiguidónan ta wòrdu matá. Aproksimadamente 82–81 pK.
Kapítulo 15
Alma i Amulek ta bai na Sidom i establesé un iglesia—Alma ta sana Zeezrom, ku ta uni na e Iglesia—Hopi ta batisá, i e Iglesia ta prosperá—Alma i Amulek ta bai Zarahemla. Aproksimadamente 81 pK.
Kapítulo 16
E lamanitanan ta destruí e pueblo di Amoniha—Zoram ta guia e nefitanan na viktoria riba e lamanitanan—Alma i Amulek i hopi otro ta prediká e palabra—Nan ta siña ku despues di Su Resurekshon Kristu lo aparesé na e nefitanan. Aproksimadamente 81–77 pK.
Kapítulo 17
E yunan hòmber di Mosias tin e spiritu di profesia i di revelashon—Nan ta bai nan propio kaminda pa deklará e palabra na e lamanitanan—Amon ta bai na e tera di Ismael i ta bira e siervo di Rei Lamoni—Amon ta salba e rei su tounan i ta mata su enemigunan na e awa di Sebus. Versíkulonan 1–3, aproksimadamente 77 pK; versíkulo 4, aproksimadamente 91–77 pK.; i versíkulonan 5–39, aproksimadamente 91 pK.
Kapítulo 18
Rei Lamoni ta suponé ku Amon ta e Gran Spiritu—Amon ta siña e rei tokante e Kreashon, Dios su tratonan ku hende, i e redenshon ku ta bini pa medio di Kristu—Lamoni ta kere i ta kai na suela manera si e tabata morto. Aproksimadamente 90 pK.
Kapítulo 19
Lamoni ta risibí e lus di bida sempiterno i ta wak e Redentor—Esnan di su kas ta kai den un trans, i hopi ta wak angelnan—Amon ta wòrdu preservá milagrosamente—E ta batisá hopi i establesé un iglesia entre nan. Aproksimadamente 90 pK.
Kapítulo 20
Señor ta manda Amon na Midoni pa libra su rumannan enkarselá—Amon i Lamoni ta topa Lamoni su tata, ku ta rei riba henter e tera—Amon ta obligá e rei ansiano pa aprobá e liberashon di su rumannan. Aproksimadamente 90 pK.
Kapítulo 21
Aaron ta siña e amalekitanan tokante Kristu i Su Ekspiashon—Aaron i su rumannan ta wòrdu enkarselá na Midoni—Despues di nan liberashon, nan ta siña den e sinagoganan i logra kombertí hopi—Lamoni ta otorgá libertat di religion na e pueblo den e tera di Ismael. Aproksimadamente 90–77 pK.
Kapítulo 22
Aron ta siña e tata di Lamoni tokante e Kreashon, e Kaida di Adam, i e plan di redenshon pa medio di Kristu—E rei i tur esnan di su kas ta kombertí—E divishon di e tera entre e nefitanan i e lamanitanan ta wòrdu spliká. Aproksimadamente 90–77 pK.
Kapítulo 23
Ta proklamá libertat religioso—E lamanitanan den shete tera i siudat ta kombertí—Nan ta yama nan mes anti-nefi-lehitanan i ta wòrdu liberá di e maldishon—E amalekitanan i e amulonitanan ta rechasá e bèrdat. Aproksimadamente 90–77 pK.
Kapítulo 24
E lamanitanan ta ataká e pueblo di Dios—Esnan anti-nefi-lehitanan ta regosihá den Kristu i ta wòrdu bishitá dor di angelnan—Nan ta skohe pa sufri morto na lugá di defendé nan mes—Mas lamanita ta kombertí. Aproksimadamente 90–77 pK.
Kapítulo 25
Agreshonnan di e lamanitanan ta plama—E desendientenan di e saserdotenan di Noe ta muri manera Abinadí a profetisá—Hopi lamanita ta kombertí i uni na e pueblo Anti-Nefi-Lehi—Nan ta kere den Kristu i warda e lei di Moises. Aproksimadamente 90–77 pK.
Kapítulo 26
Amon ta gloria den Señor—E fielnan ta wòrdu fortalesé pa Señor i ta risibí konosementu—Pa medio di fe hende por hiba míles di almanan na arepentimentu—Dios tin tur poder i ta komprondé tur kos. Aproksimadamente 90–77 pK.
Kapítulo 27
Señor ta manda Amon pa hiba e pueblo di Anti-Nefi-Lehi na un lugá sigur—Ora e ta topa ku Alma, Amon su goso ta agotá su forsa—E Nefitanan ta duna e pueblo di Anti-Nefi-Lehi e tera di Jerson—Nan ta wòrdu yamá e pueblo di Amon. Aproksimadamente 90–77 pK.
Kapítulo 28
E lamanitanan ta wòrdu derotá den un tremendo bataya—Míles i míles ta muri—E malbadonan ta wòrdu kondená na un estado di angustia sin fin; e rektonan ta optené un felisidat perpetuo. Aproksimadamente 77–76 pK.
Kapítulo 29
Alma ta deseá na proklamá arepentimentu ku zelo angelikal—Señor ta konsedé maestronan na tur nashon—Alma ta gloria den e obra di Señor i den e éksito di Amon i su rumannan. Aproksimadamente 76 pK.
Kapítulo 30
Korihor, e anti-Kristu, ta ridikulisá Kristu, e Ekspiashon, i e spiritu di profesia—E ta siña ku no tin Dios, ni kaida di hende, ni kastigu pa piká, i ni Kristu—Alma ta testifiká ku Kristu lo bini i ku tur kos ta indiká ku tin un Dios—Korihor ta eksigí un señal i ta bira muda—E diabel a aparesé na Korihor komo un angel i a siñ’é kiko pa bisa—Korihor ta wòrdu trapá i ta muri. Aproksimadamente 76–74 pK.
Kapítulo 31
Alma ta enkabesá un mishon pa rekuperá e zoramitanan apóstata—E zoramitanan ta nenga Kristu, ta kere den un konsepto falsu di elekshon, i ta adorá ku orashonnan fiho—E misioneronan ta yená ku e Spiritu Santu—Nan aflikshonnan ta konsumí den e goso di Kristu. Aproksimadamente 74 pK.
Kapítulo 32
Alma ta siña e pobernan kende nan aflikshonnan a humiá nan—Fe ta un speransa den e lokual no ta wòrdu mirá kual ta bèrdat—Alma ta testifiká ku angelnan ta ministrá na hòmbernan, muhénan i muchanan—Alma ta kompará e palabra na un simia—E mester wòrdu plantá i nutrí—E ora ei e ta krese den un palu for di kual e fruta di bida eterno ta wòrdu pikí. Aproksimadamente 74 pK.
Kapítulo 33
Zenos a siña ku hende mester hasi orashon i adorá den tur lugá, i ku husionan ta apartá pa motibu di e Yu—Zenok a siña ku mizerikòrdia ta konsedé pa motibu di e Yu—Moises a lanta den e desierto un símbolo di e Yu di Dios. Aproksimadamente 74 pK.
Kapítulo 34
Amulek ta testifiká ku e palabra ta den Kristu pa salbashon—Si un ekspiashon no wòrdu efektuá, henter humanidat lo mester bai pèrdí—Henter e lei di Moises ta mustra na e sakrifisio di e Yu di Dios—E plan di redenshon eterno ta basá riba fe i arepentimentu—Hasi orashon pa bendishonnan temporal i spiritual—E bida aki ta e tempu pa hende prepará pa topa ku Dios—Traha riba boso salbashon ku temor dilanti di Dios. Aproksimadamente 74 pK.
Kapítulo 35
E predikashi di e palabra ta destruí e mañanan di e zoramitanan—nan ta ekspulsá e kombersonan, ku e ora ei ta uni na e pueblo di Amon na Jerson—Alma ta afligí pa motibu di e maldat di e pueblo. Aproksimadamente 74 pK.
Kapítulo 36
Alma ta testifiká na Helaman di su kombershon despues di a wak un angel—El a sufri e dolónan di un alma kondená; el a invoká e nòmber di Hesus, i a nase e ora ei di Dios—Un goso dushi a yena su alma—El a wak multitut di angelnan alabando Dios—Hopi kombersonan a purba i wak manera e a purba i wak. Aproksimadamente 74 pK.
Kapítulo 37
E planchanan di bròns i otro Skrituranan ta preservá pa trese almanan na salbashon—E hareditanan a wòrdu destruí pa motibu di nan maldatnan—Nan huramentunan i kombenionan sekreto mester wòrdu skondé for di e pueblo—Konsultá ku Señor den tur bo echonan—Asina manera e Liahona a guia e nefitanan, asina e palabra di Kristu ta guia hende na bida eterno. Aproksimadamente 74 pK.
Kapítulo 38
Shiblon a wòrdu persiguí pa kousa di rektitut—Salbashon ta den Kristu, kende ta e bida i e lus di mundu—Frena tur bo pashonnan. Aproksimadamente 74 pK.
Kapítulo 39
Piká seksual ta un abominashon—Korianton su pikánan a stroba e zoramitanan di risibí e palabra—Kristu su redenshon ta retroaktivo den salba esnan fiel ku a presedé esaki. Aproksimadamente 74 pK.
Kapítulo 40
Kristu ta efektuá e resurekshon di tur hende—E mortonan hustu ta bai paraiso i e malbadonan na skuridat di pafó pa warda e dia di nan resurekshon—Tur kos lo wòrdu restourá na nan forma korekto i perfekto den e Resurekshon. Aproksimadamente 74 pK.
Kapítulo 41
Den e Resurekshon hende ta resusitá na un estado di felisidat sin fin òf mizeria sin fin—Maldat nunka tabata felisidat—Hende ku ta den un estado karnal ta sin Dios den e mundu—Kada persona ta risibí atrobe den e Restourashon e karakterístikanan i atributonan atkerí den mortalidat. Aproksimadamente 74 pK.
Kapítulo 42
Mortalidat ta un tempu di prueba pa permití hende arepentí i sirbi Dios—E Kaida a trese morto temporal i spiritual riba henter humanidat—Redenshon ta bini pa medio di arepentimentu—Dios mes ta ekspiá pa e pikánan di mundu—Mizerikòrdia ta pa esnan ku arepentí—Tur otro ta keda sometí na e hustisia di Dios—Mizerikòrdia ta bini pa motibu di e Ekspiashon—Solamente e penitente berdadero ta salbá. Aproksimadamente 74 pK.
Kapítulo 43
Alma i su yunan ta prediká e palabra—E zoramitanan i otro disidentenan nefita ta bira lamanitanan—E lamanitanan ta bini kontra e nefitanan den guera—Moroni ta arma e nefitanan ku e armadura protektor—Señor ta revelá na Alma e strategia di e lamanitanan—E nefitanan ta defendé nan hogar, libertat, famia, i religion—E ehérsitonan di Moroni i Lehi ta rondoná e lamanitanan. Aproksimadamente 74 pK.
Kapítulo 44
Moroni ta manda e lamanitanan pa sera un kombenio di pas òf wòrdu destruí—Zerahemna ta rechasá e oferta, i e bataya ta reanudá—Moroni su ehérsitonan ta derotá e lamanitanan. Aproksimadamente 74–73 pK.
Kapítulo 45
Helaman ta kere e palabranan di Alma—Alma ta profetisá e destrukshon di e nefitanan—E ta bendishoná i maldishoná e tera—Alma por a wòrdu tumá dor di e Spiritu, meskos ku Moises—Desakuerdo ta oumentá den e Iglesia. Aproksimadamente 73 pK.
Kapítulo 46
Amalekia ta konspirá pa bira rei—Moroni ta hisa e standart di libertat—E ta reuní e pueblo pa defendé nan religion—Kreyentenan berdadero ta wòrdu yamá kristiannan—Un restu di Jozef lo wòrdu konservá—Amalekia i e disidentenan ta hui pa e tera di Nefi—Esnan ku no ke sostené e kousa di libertat ta wòrdu ehekutá. Aproksimadamente 73–72 pK.
Kapítulo 47
Amalekia ta usa traishon, asesinato, i intriga pa bira rei di e lamanitanan—E disidentenan nefita ta mas malbado i feros ku e lamanitanan. Aproksimadamente 72 pK.
Kapítulo 48
Amalekia ta instigá e lamanitanan kontra e nefitanan—Moroni ta prepará su pueblo pa defendé e kousa di e kristiannan—E ta regosihá den libertat i independensia i ta un hòmber poderoso di Dios. Aproksimadamente 72 pK.
Kapítulo 49
E lamanitanan invasor no por a tuma e siudatnan fortifiká di Amoniha i Noe—Amalekia ta maldishoná Dios i ta hura di bebe e sanger di Moroni—Helaman i su rumannan ta sigui fortalesé e Iglesia. Aproksimadamente 72 pK.
Kapítulo 50
Moroni ta fortifiká e teranan di e nefitanan—Nan ta konstruí hopi siudatnan nobo—E nefitanan ta sufri guera i destrukshonnan den e dianan di nan maldat i abominashonnan—Teankum ta derotá Morianton i su disidentenan—Nefiha ta muri, i su yu hòmber Pahoran ta okupá e asiento hudisial. Aproksimadamente 72–67 pK.
Kapítulo 51
E monarkistanan ta buska pa kambia e lei i establesé un rei—Pahoran i e hòmbernan liber ta wòrdu sostené pa e stèm di e pueblo—Moroni ta obligá e monarkistanan pa defendé nan pais òf wòrdu matá—Amalekias i e lamanitanan ta apoderá di hopi siudatnan fortifiká—Teankum ta rechasá e invashon lamanita i mata Amalekias den su tènt. Aproksimadamente 67–66 pK.
Kapítulo 52
Amorón ta remplasá Amalekias komo rei di e lamanitanan—Moroni, Teankum, i Lehi ta guia e nefitanan den un guera viktorioso kontra e lamanitanan—E siudat di Mulek ta wòrdu kapturá bèk, i Yakob e zoramita ta wòrdu matá. Aproksimadamente 66–64 pK.
Kapítulo 53
E prezunan lamanita ta wòrdu usá pa fortifiká e siudat di Abundansia—Disenshonnan entre e nefitanan ta duna lugá pa viktorianan lamanita—Helaman ta tuma mando di e dos mil yunan hòmber hóben di e pueblo di Amon. Aproksimadamente 64–63 pK.
Kapítulo 54
Amorón i Moroni ta negoshá pa e interkambio di prezunan—Moroni ta eksigí pa e lamanitanan retirá i stòp nan atakenan asesino—Amorón ta eksigí pa e nefitanan pone nan armanan abou i bira suheto na e lamanitanan. Aproksimadamente 63 pK.
Kapítulo 55
Moroni ta nenga di interkambiá prezunan—E guardianan lamanita ta wòrdu sedusí pa bira fuma, i e prezunan nefita ta wòrdu liberá—E siudat di Gid ta wòrdu kapturá sin dramamentu di sanger. Aproksimadamente 63–62 pK.
Kapítulo 56
Helaman ta manda un epístola pa Moroni, relatando e estado di e guera ku e lamanitanan—Antipus i Helaman ta logra un viktoria grandi riba e lamanitanan—Helaman su dos mil yunan hòmber hóben ta bringa ku poder milagroso, i ningun di nan ta wòrdu matá. Versíkulo 1, aproksimadamente 62 pK; versíkulonan 2–19, aproksimadamente 66 pK.; i versíkulonan 20–57, aproksimadamente 65–64 pK.
Kapítulo 57
Helaman ta relatá e konkistá di Antipara i e entrega i despues e defensa di Kumeni—Su hóbennan amonita ta lucha balente; tur ta heridá, pero ningun ta muri—Gid ta raportá e matansa i e huida di e prezunan lamanita. Aproksimadamente 63 pK.
Kapítulo 58
Helaman, Gid, i Teomner ta konkistá e siudat di Manti pa medio di un strategia—E lamanitanan ta hui—E yunan hòmber di e pueblo di Amon ta wòrdu preservá miéntras nan ta para firme den defensa di nan libertat i fe. Aproksimadamente 63–62 pK.
Kapítulo 59
Moroni ta pidi Pahoran pa fortalesé e ehérsito di Helaman—E lamanitanan ta poderá di e siudat di Nefiha—Moroni ta rabia ku e gobièrnu. Aproksimadamente 62 pK.
Kapítulo 60
Moroni ta keha na Pahoran di e negligensia di e gobièrnu pa ku e ehérsitonan—Señor ta permití e rektonan pa wòrdu matá—E nefitanan mester usa tur nan poder i medionan pa libra nan mes for di nan enemigunan—Moroni ta menasá di bringa kontra e gobièrnu eksepto ku yudansa wòrdu suministrá na su ehérsitonan. Aproksimadamente 62 pK.
Kapítulo 61
Pahoran ta informá Moroni di e insurekshon i rebelion kontra e gobièrnu—E monarkistanan ta apoderá di Zarahemla i ta den aliansa ku e lamanitanan—Pahoran ta solisitá yudansa militar kontra e rebeldenan. Aproksimadamente 62 pK.
Kapítulo 62
Moroni ta marcha bai yuda Pahoran na e tera di Gideon—E monarkistanan ku nenga di defendé nan pais ta wòrdu matá—Pahoran i Moroni ta apoderá di Nefiha atrobe—Hopi lamanita ta uni na e pueblo di Amon—Teankum ta mata Amorón i ta wòrdu matá konsekuentemente—E lamanitanan ta wòrdu saká for di e tera, i ta establesé pas—Helaman ta regresá na e ministerio i ta edifiká e Iglesia. Aproksimadamente 62–57 pK.
Kapítulo 63
Shiblon i despues Helaman ta tuma poseshon di e registronan sagrado—Hopi nefita ta biaha bai na e tera na nort—Hagot ta konstruí barkunan, kual ta nabegá den e laman wèst—Moroniha ta derotá e lamanitanan den bataya. Aproksimadamente 56–52 pK.