ஒரு தூதன் பேதுருவை சிறையிலிருந்து விடுவித்தல்

ஏரோது என்ற ராஜாவுக்கு கிறிஸ்தவர்களைப் பிடிக்கவில்லை. அவன் அப்போஸ்தலன் யாக்கோபைக் கொன்றான். பின்னர் அவன் பேதுருவை சிறையில் அடைத்தான். சிறைச்சாலையைப் பாதுகாக்க 16 போர்ச்சேவகர்களை அவன் நியமித்தான்.

அப்போஸ்தலருடைய நடபடிகள் 12:1–4

இதைக் கேட்ட சபை உறுப்பினர்கள், பேதுருவுக்காக பரலோக பிதாவிடம் தொடர்ந்து ஜெபித்தார்கள்.

அப்போஸ்தலருடைய நடபடிகள் 12:5

ஒரு இரவு, பேதுரு தூங்கிக் கொண்டிருந்தான். இரண்டு போர்ச்சேவகர்களுக்கு இடையே இரண்டு சங்கிலிகளால் அவன் கட்டப்பட்டிருந்தான்.

அப்போஸ்தலருடைய நடபடிகள் 12:6

திடீரென்று, சிறையில் ஒரு ஒளி பிரகாசித்தது, ஒரு தூதன் தோன்றினான். “சீக்கிரமாய் எழுந்திரு” என்று தூதன் சொன்னான், பேதுருவின் கைகளிலிருந்து சங்கிலிகள் விழுந்தன. தூதன் பேதுருவிடம் தன்னைப் பின்தொடரச் சொன்னான்.

அப்போஸ்தலருடைய நடபடிகள் 12:7–8

பேதுரு தான் கனவு காண்பதாக நினைத்தான். அவன் காவலர்களைக் கடந்து தூதனைப் பின்தொடர்ந்தான். நகரத்திற்குச் செல்லும் இரும்புக் கதவு தானாகவே திறந்து கொண்டது, பேதுருவும் தூதனும் அதன் வழியாக நடந்து சென்றனர்.

அப்போஸ்தலருடைய நடபடிகள் 12:9–10

தூதன் போய்விட்டான், பேதுரு தான் கனவு காணவில்லை என்பதை உணர்ந்தான். தன்னைக் காப்பாற்ற கர்த்தர் தூதனை அனுப்பினார் என்பது அவனுக்குத் தெரியும்.

அப்போஸ்தலருடைய நடபடிகள் 12:10–11

பேதுரு மரியாள் என்ற பெண்ணின் வீட்டிற்குச் சென்றான், அங்கு பல சபை உறுப்பினர்கள் ஜெபிக்க வந்திருந்தனர். அவன் கதவைத் தட்டினான்.

அப்போஸ்தலருடைய நடபடிகள் 12:12–13

ரோதை என்ற பெண் வாசலுக்கு வந்தாள். பேதுருவின் குரலைக் கேட்டதும், அவள் மிகவும் மகிழ்ச்சியடைந்தாள்! அவள் மற்றவர்களிடம் சொல்ல ஓடினாள்.

அப்போஸ்தலருடைய நடபடிகள் 12:13–14

பேதுரு வாசலில் இருப்பதாக ரோதை எல்லோரிடமும் சொன்னபோது, ​​அவர்கள் அவளை நம்பவில்லை. பேதுரு தட்டிக்கொண்டே இருந்தான்.

அப்போஸ்தலருடைய நடபடிகள் 12:15–16

கடைசியில், அவர்கள் கதவைத் திறந்து பார்த்தார்கள், அது உண்மைதான் என்று கண்டார்கள். பேதுரு பத்திரமாக இருந்தான்! கர்த்தர் அவர்களுடைய ஜெபங்களுக்குப் பதிலளித்தார். கர்த்தர் தன்னைச் சிறையிலிருந்து எப்படி மீட்டார் என்பதை பேதுரு அனைவருக்கும் கூறினான்.

அப்போஸ்தலருடைய நடபடிகள் 12:16–17